Bauern-Blues Lyrics & Tabs by Da Huawa da Meier und I
Bauern-Blues
guitar chords lyrics
Am Sonntag in da Friah ziag I mei Jackn raus
Und fohr mit meim Fendt Vario aufs Föid hinaus
Hintndro a Kreislmähwerk, fuchzehn Meter broad
Do bin I da Kini, und mah mei Woad
I bin da Sepp, da Joystick-Fendt
und hob mei Hei scho ...gwendt.
A gäh, wos mechst den mit deim Glump, jetz kemmts amoi zu mia.
I hob nämlich dahoam an riesngroußn John Deere
Hintndro an Muidnkippa, grod so broad wia d'Straß
Da werd a jeda Trucker mit seim Vierzgtonner blaß!
I bin da Hirschhauser Xavere
Und hob an John... Deere.
I fuadat jetz schnäi d'Henna und dann saaf I an Kaffee
Bevor I nachad zua de Säu zum mistn aussegeh
Danach nou I mein Lanz-Umhänga Mistbroata dro
Und strah ganz gmiatlich de drei Dogwerk o
I bin da Wognstiftn FranzUnd hob an oidn ...Lanz.
I setz auf Energie, des bringt ma an Ertrag
Sogar mei Scheißdreck werd verwertet in da Biogasanlag
Mim Nachbarn hob I inverstiert in zehadausnd Sau
Hey, do werds schaung, des werd a Monumental-Saustoibau.
I hob de Lage dakennt
Und fohr an Vario ...Fendt.
A, do schaugts eam ned o, er setzt auf Energie.
Sei oida Bauernhof schaut aus os wia a Vorstadtindustrie!
Bei mia dahoam, do is ois Bio, i hob bloß zwoadausnd Sau
De kriang a Gensoja aus Amerika, garantiert Bioanbau!
I bin da Hirschhauser Xavere
Und hob an John ...Deere.
I hob a boa Kiah und Säu, wei mia glangt des aa
Schlachtn dad I söiba, wenn d'EU ned waarHenna hob I, Gäns hob I, Ratzn und Mäus,
Und an blädn Katzndeifi, der's ned fangt mit z'Fleiß
I bin da Wognstiftn Franz
Und hob an gräßtn ...Lanz.
Bauern samma olle drei, vagleicha ko mas ned.
Da oane schaut auf d'Natur, da anda schaut dass wos geht
Wos bleibt am anders üba, schwimmst mid oda saufst ob
Wennst ned inverstierst, host boid an Fließbandljob
Do geht da sicher was ob
Dei schena Bulldog
Und dann is wirklich nimmer schee
Muaßt z'Fuaß ins Wirtshaus geh
Mei guada Fendt!
Mein schena Johnny!
Mei guada oida schena ... Laaaaanz!
