So schee Lyrics & Tabs by Da Huawa da Meier und I
So schee
guitar chords lyrics
Es is so schee wenn ma a Bleame segt
am Wegesrand des bliaht.
Und es is schee wenn ma noch oam Johr
wieder kimmt und es is no ned betoniert.
Dann hod ma Glück das no koana do gwen is
der do draus sein Profit ziagt
wenn wo am Wegrand in oller Seligkeit a oanzains Wiesenbleame bliaht.
Es is so schee wenn ma an an gloan Boch doat steht, der se durchd Auen schlangelt und durchd Wies und es is schee wennma noch oam Johr wieder kimmt und no ned Flur bereinigt is.
Dann hodma Glück das no koana do gwen is
der do draus sein Profit ziagt
wenn wo a Boch ned blos grodaus owerinnt sondern se einfach Rasterlos verbiagt.
Es is schee wennma de Kinder segt
wias lachan laut und ungeniert
und es is schee wennma noch oam Johr wieder kimmt und sie san no ned automatisiert.
Dann hodma Glück das no koana do gwen is der do draus sein Vorteil macht
wenn wo a Kind unbelastet spuit die Welt no nei erfint und mit sich selber lacht.
