Wirtshauskultur Lyrics & Tabs by Da Huawa da Meier und I
Wirtshauskultur
guitar chords lyrics
A Stammdisch und a Zapfhahn, a Brotzeit und a Bier
A Käinamadl, des bedient voi Freid und volla Miah
A Rauch- und aar a Schnupftabak, a Koartnspui nebnbei
So lassts as si bei uns dahoam im Wirtshaus recht guat sei.
Und mancher, der nach Feieramd vom Schwitzen is ganz nass
Der kauft sich, vor a hoamfahrt no schnäi a frische Maß
A andrer sitzt seit Mittag scho und hod an Fetzn Rausch
Zwo Bauern sitzn aa danem und halten einen Plausch.
So is bei uns in Bayern mit der Wirtshauskultur
Da werd diskutiert und Koartn gspuid, zum Dringa gibts grod gnua
Ein Wirtshaus is a Zufluchtsort beinah für jedermann
Des födert die Gemeinschaft, do kemman d'Leit gern zamm!
Heizdogs, wennst zum Wirt gehst, dann gehst am bestn z'fuaß
Ned amoi mim Radl, do gibts aa scho an Diskurs
Denn beim Ortstaferl drauß, da stäht de Polizei
De kassiern bei zwoa Promille glei dein Führerschein.
Zigarettn, Pfeifn, Zigarrn lasst am Bestn glei dahoam
A so gehst am Gesetzgeber scho goa ned aufn Loam
Und d'Jugend fahrt jo heizdogs ohnehin lieba in d'Stod
Womit da Wirt am Dorf drauß wieda as Nachsehen hod!
So is bei uns in Bayern mit der Wirtshauskultur
Denkst voi Sehnsucht an a Zigarettn und saufst dein Spezi dazua
A so is doch koa Wunder, dass de Gmiatlichkeit vadirbt
|: Und dass a so a Wirtshaus um as andre stirbt!:|
