Teil I (Herr Sägesser) Lyrics & Tabs by Greis
Teil I (Herr Sägesser)
guitar chords lyrics
es isch samsti namitag am 3 im autersheim
und dr herr sägesser luegt usem fänster uf au dä seich
är hasst schöns wätter u de ching wo spile
wett er vom, chileturm ufe gring ga zile
und die frou wo si sohn het ghürate het ihm nie passt
wüu si aui liebt im quartier und dr chrieg hasst
itz chunt si ne cho hole
und stoss dr roustueu ids outo
und fahrt vou los uf d'überrhouspur
si brummlet vo wäge si sige zspät
ginge itze zum räst vor familie ids eichhouz ga brätle
si fragt ne ob är si de überhoupt verstöng
ob är da sig, ob aui lieb sige, wie's ihm göng
doch dr sägesser seit nüt är plant es ding
i sim chopf het er scho änge kontakt zu sim grossching
ob är da sig, ob aui lieb sige, wie's ihm göng
doch dr sägesser seit nüt är plant es ding
i sim chopf het er scho änge kontakt zu sim grossching
u wie si dört achöme tüe ne au begrüesse
so wie sech's ghört für ne patriarch, wi si müesse
d'tante gerda im rosarote chleidli
lachet verläge u tuet dr arm über ihres meitli
ds schwache susi mit dr glace wo grusig lacht
näbedrann dr lang erich wo kifft und musig macht
dr sägesser meint si sohn isch e versäger
u vermuetet aui lüt vo dr familie sige gäge ihn
nume sis grossching dr hansjakob isch panzerfan
u git ihm aube kampfrapport
und aui ching si lieb am spile am fluss
nur dr hansköbi versteckt öppis i sim gurt
dr unggle peter isch am grill und schwitzt
und dr aut ma luegt dr köbi a und lacht verschmitzt
und dr köbi grinst breit we dr unggle peter fragt
wo sis mässer sig, seit är würs ihm de speter säge
und es isch heiss und uf em grill hets fleisch
es brutzlet, e sunnestrau wo ds mässer streift
und dr köbi wo schreit und zuesticht
und schweiss und bluet mischt und schlitzt
und gluet zischt und s'isch leid
dr ablick vom hansjakob i dr bluetlache
näbem roustueu vom aute ma wo lut lacht
aso überlegs dr guet wed nid eländ wosch verrecke
bevor das dini eutere ids autersheim stecksch
