Monolog (Remix) [Mit Yodith] Lyrics & Tabs by Sektion Kuchikäschtli
Monolog (Remix) [Mit Yodith]
guitar chords lyrics
Du saisch miar nüüt. Doch viilicht losi au nid richtig zua
Oder han as schlächts Kjör oder will nur miini Ruah.
Uf all Fäll brüücht au i Entspannig, i chann diar nüüt übelneh;
Au miar würs bald zum Hals ushenka, wür i all das Übel gseh.
Oder bisch du aifach scho so alt, dass taub und blind bisch?
Oder so abgstumpft, dass überhaupt kai Unrächt meh empfindisch?
Sicher lost au i nur gnärvt wäg bi Milliarda vu Gebät, he.
Au i gsächt bi all däm Elend bald amol kai Zwäck meh.
Aber in diinara Position häsch aifach zviil Verantwortig,
also beweg diin Arsch amol, au wenn diar niamert Asporn git.
I main, miar händs do au nid viil liichter, oder häsch das scho vergässa?
Schaffen all Tag für as Dach überem Chopf und as Ässa.
Sowiit gohts üs jo au guat. Aber was söllen dia Gegasätz?:
Miin Nochbuur suacht an siinem neua BMW grad ebba Chrätz.
Und gar nid wiit awäg vu do stärben Chinder dr Hungertod,
Sowiit gohts üs jo au guat. Aber was söllen dia Gegasätz?:
Miin Nochbuur suacht an siinem neua BMW grad ebba Chrätz.
Und gar nid wiit awäg vu do stärben Chinder dr Hungertod,
und das tuusigi am Tag. Do tüan scho grössri Wunder Not.
Überall gseht ma Fortschritt, nur nid dött, wo när am maischta bruucht wird.
Und so ischs scho lang alltäglich, dass an Mänsch wäg läärem Buuch stirbt.
Doch di schiint das nid z intressiara. Easy! Lehn di zrugg!
Solang di Faigling nid zaigsch, stohsch jo au nid unter Druck.
Lohn di vo üs nid störa, obwohl miar scho früah kapituliart hän,
zwor Härz transplantiart, Lüüt ins All katapultiart hän,
doch offasichtlich ufgän, wenns drum goht, jeda vu üs durrazbringa.
I gsächt darin aigentlich a Grund, um für üs in t Breschi z springa.
Aber wenn das diini Mainig isch, ok, du bisch dr Boss,
doch han i gmaint, du sitzisch ufma Thron, nid ufem hocha Ross.
I frog mi, lohnt sichs an di z glauba, wenn t Wält um üs zämmakait.
Viilicht denn umso meh, doch Vertraua beruaht u Gegasiitigkai!
Und i für miin Tail bliiba skeptisch, wenn i dia Zaila verfassa.
(Wielange macht Gott wohl noch Ferien?) - Kai Blassa!
I frog mi, lohnt sichs an di z glauba, wenn t Wält um üs zämmakait.
Viilicht denn umso meh, doch Vertraua beruaht u Gegasiitigkai!
Und i für miin Tail bliiba skeptisch, wenn i dia Zaila do schriib.
(Wielange macht Gott wohl noch Ferien?) - Ei, frog mi nid!
Und so bewegen sich dia ainta halt Richtig Färnseh im Handy
Und dia andara... na ja, egal wohii! Härrgott schämm di!
Doch wia gsait: richtig bös sii, chann i diar aigentlich nid,
denn schlussendlich sind miar jo au sälbertschuld a däm ganza Shit.
Aber ab und zua a Wink diinersiits wär wohl nid z viil verlangt.
I waiss, dass jedi und jeda vu üs diar siis Läba verdankt,
doch siit Schtai-, Bronze- und Iisaziit bis hin zu Amalgan
stoht bir Gattig Männsch wohl alles ussert Fairness ufem Plan.
Do muasch di nid wundara, erfahrsch langsam Kritik.
Schiab dr diini Bibla suss swohii, liis liaber aimol t Ziitig!
Empfehlenswärt dä Bricht vu Grosni oder Nordsudan vu neulich,
doch maischtens sind nidamol t Wätterprognosa erfreulich!
Hör uf mit Adam und Eva! Muasch nid immer da Fraua t Schuld geh!
Fähler werden laufend gmacht. Miar hän no nia as biz Geduld gseh!
Und was isch aigentlich dabi, in sona blöda Öpfel z biissa?
Miar sind wäg diina doofa Spiilregla do anstatt im Paradiis!
Also, zaig doch aimol wohri Grössi und gib allna a Chance!
Gib aimol allna gliichi Charta und vergiss mol diini Strofa!
Doch wia ni di känna, verhangschs mol wiider - für di so typisch -,
Will jo eh niamert ob diar häsch und sona ziitlosa Typ bisch.
Hät ächt meh vu diar erwartet wia vu da neua Nas-Alba.
Sind diini Lüüt, wo druffgöhn, doch du zaigsch kai Aschtalta.
Nai, miin Liaba! Du machschs aim au würkli nid grad liacht!
Viilicht bisch jo suss ganz locker druff und an liaba Siach,
aber langsam verlüürt do dunna jeda da Glauba an di dött doba,
und glaubsch sälber nümm an di: Probiars mit Yoga!
I frog mi, lohnt sichs an di z glauba, wenn t Wält um üs zämmakait.
Viilicht denn umso meh, doch Vertraua beruaht u Gegasiitigkai!
Und i für miin Tail bliiba skeptisch, wenn i dia Zaila verfassa.
(Wielange macht Gott wohl noch Ferien?) - Kai Blassa!
