Sgit Schlimmers Lyrics & Tabs by Sektion Kuchikäschtli
Sgit Schlimmers
guitar chords lyrics
I chönnt schlimmers macha als Rap. I chönnt afanga Schlager singa
Und idäm i eu mit Heinoliader nerv, dr Tag verbringa.
I chönnt Homies abbastächa, mi an ihrem Gras beriichra
anstatt nur miin Kumpel Gimma au no grad dr Satan featura.
I chönnt so ziillos werda wia miin DJ Stimpee Kutz,
fang as Geologiestudium a und brichs denn wiider ab.
Versuach mi druff als Tontechniker, doch verhäng z Diplom.
Studiara wiider und merk erneut, dass sich’s gär nid lohnt.
Mit Endi 20 denn immer no miini Karriära am plana,
hoffi, i schaffa würkli nur temporär bir Helsana.
Chönnt au nur no ummavogla und jedi wia na Bitch behandla:
“Was? Meh als an One Night Stand? Do häsch mi wohl missverstanda!“
Oder i verbraita Angscht vor Chriag und Terror uf dr ganza Welt,
chauf mer US-Rüschtigsaktia und verdian a Stanga Geld.
Und währenddäm sich t Ärda zuabombt, chönnti schön ins Füüschtli lacha.
Oder i verbraita Angscht vor Chriag und Terror uf dr ganza Welt,
chauf mer US-Rüschtigsaktia und verdian a Stanga Geld.
Und währenddäm sich t Ärda zuabombt, chönnti schön ins Füüschtli lacha.
Aber i schriib friidlich Text und lohns nur uf dr Bühni kracha.
Ref.: Sgit schlimmers! Was söll das andauernda Gschiss?!
Rap haisst nid „Schlohn nur zua!“ oder „Rauch mol an Spliff!“
Überleggens eu nomol mim Rapper ufem Schhiiterhuufa,
Will i für miini Schandtata nur an Schriiber bruucha!
I chönnt zur Autopartei. Stächt ii für Gratisbenzin.
Verstärcht dr Triibhuuseffekt klar uf recht tragischi Wiis.
Greenpeace gängt uf t Barrikada, WWF schlächti Alarm,
doch sind mol ehrlich, iar Ökofritza: Au iar häns gern achli warm!
I chönnt a fiises Arsch werda und jedem Fründ in Rugga falla,
Grücht verbreita, hinterruggs über alli zünftig Stuss go lalla.
Und han i aimol öppert blossgstellt, kriagt er grad nomol ufs Dach!
Ach, jo, i chönnt zum Alki werda wia miin DJ Stimpee Kutz!
Oder i lohn mer an Bart wachsa und knüpft Kontakt mim Bin Laden,
denn i wünscht mer döt, wo dr Paradeplatz stoht, an Krater.
Und so warti als Sleeper. Bis zu miim Iisatz channs nümm lang goh.
Bis es sowiit isch, stoht SK für „Suizidkommando“.
I chönnt a Sekta gründa und verzella, i hälf verlorna Seela.
Natürli würens miar das abneh und mi wia in Trance verehra.
Dass i dabi nur iara Stutz wür wella, bliibt miis grossa Ghaimnis.
Stattdessa machi Rap und verdian mit dopa Livegigs!
Ref.I chönnt schlimmers macha als Rap, chönnt na au nur konsumiara.
Mi über all, wo eigentlich was druf hän, bsunders moquiara.
Als Eminem-für-Armi Chicks mit Ghettophrasa amacha,
doch dahai brüahlti, will all dia Chörb würen dermassa akacka.
Oder i chönnt au usra sehr viil schlimmra Sparta cho,
als Pädophil mit Haribo vor jeda Chindergarta stoh.
I chönnt uf t Bank go schaffa go mit Azug, Halbschuah und Schlips
Und am Obig leggi Strapsa a, das macht huarra spitz!
I chönnt au säga: „Anarchie hät üsi Welt nid verdiant!“
Brich kurzerhand miis Studium ab und meld mi bir Schmiar.
Entdecka miini Sadosiita. He, miin neu Job isch megageil!
Für all dia Hippies gits ais mitem Stock am erschta Mai!
Natürli wür dr Greis denn cho: „Iar hei z Recht ned derzua!“
„Hey, Junge, witsch in Knascht oder aifach a heftigi Buass?“
Doch bevor i dur all Strossa mit ma Wasserwörfer fätz,
fahr i zunra Jam und prügla eu mit krassa Burnerraps.
