Coming Out Lyrics & Tabs by Sektion Kuchikäschtli
Coming Out
guitar chords lyrics
Räp und i sind scho lang as Päärli, zuageh.
Und bis jetzt hän scho viil Verehrer vu ihm müassa dr Huat neh.
Am Afang bin i sehr iifersüchtig gsi uf all dia Räpper,
aber är hät miar gsait, är fändi mi halt aifach viil nätter.
I gfalli ihm und schwört mer Treui bis zum End vu siinem Läba.
Doch dass miar fescht zämma sind, hät är kainem wella säga.
Hät Problem kha zu siina Gfühl zstoh und Angscht sich zouta
und bis zum letschta Tag hät är sich dazua nia getraut kha.
So hän miar üsri Bezüchig nur ganz haimlich usgläbt
und i han ihm vu Afang a gsait, dass mi das ufregt,
obwohl i ihn sehr wohl verstanda han in därra Hiisicht.
Dr Ärmscht hät Angscht kha, siis Umfeld reagiari ohni Iisicht.
"T Gsellschaft wür mi usstossa, wenn das an t Öffentlichkait chämmt!"
Und i han gwüsst, dass är sich für siis Anderssii schämmt.
Doch aines Tages noch unzähliga haissa Nächt im Ghaima,
"T Gsellschaft wür mi usstossa, wenn das an t Öffentlichkait chämmt!"
Und i han gwüsst, dass är sich für siis Anderssii schämmt.
Doch aines Tages noch unzähliga haissa Nächt im Ghaima,
han i miin Räp vor t Wahl gstellt: "Schatz, du muasch di entschaida!
I halts nümm us aso! Entweder du fassisch diar as Härz
und bekännsch di vor allna zu diina Gfühl für mi bis Mitte März
oder du häsch mi gseh für immer! Glaub doch, i liab di au!
Aber wenn t no lang so Versteckis spiilsch, säg dr bald mol Ciao!"
Und als ob är das erwartet hätti, git är miar Antwort:
"I waiss, das zwüscha üs baidna isch für di meh als Funsport
und für mi ebbafalls, Rennie, ehrlich. Doch verzaih mer!
I bin nur en laida Faigling und miis Rückgrat im Eimer!
I channs jetzt nümm verschwiiga, obwohls dr weh tuat, waisch,
i schämm mi nid für miini Gfühl, sondern wäg diar, tuat mer laid!"
I glaub, im Unterbewusstsii han i das scho immer gwüsst.
I nümms gar nümm wohr, wo när miar as letschts Mol uf t Stirna küsst
und irgendöppis sait vu wäga, as isch sicher besser so.
Und no am gliicha Obig hät mi dr Räp aifach verloh.
I bin also dr Grund gsi für siini Scham und dia Gschicht,
wär anders usacho, wenn i däm allgemain Typ Räpper entspricht.
Isch jo naiv zglauba, Räp wett im Ernscht öppis vu miar.
Scho klar, dass är sich wäg miar und miinem Üssara geniart.
Aber i truur däm Typ nid noh - kai Sekunda.
Das isch a Trännig wia jedi andri au, das haisst schnäll überwunda.
Und so wias usgseht giltet das nid nur für mi, denn nochra Wucha
schniidet miar arma Kärli t Blicktitelsiita t Luft ab.
En Artikel über dr Räp mit ma Bild und am Satz:
" Räp outet sich, är sei schwul, wia siin neuscht Fründ Stimpee Kutz."
