Tonight Alone Lyrics & Tabs by Madd Anju
Tonight Alone
guitar chords lyrics
حكومه مش قاعده
كل اطرش لي يغني في عرس
تدوي بلي ماتسمعش
تحكي ماتسكتش
حكومة منطرشة
وشعب معاق بكوش
ساكت في حاجه ينطق
كان جابو سيرت القروش
شعب متخلف
دارونا هكي راه يبونا
ولي يحكي عليهم
ص ش مشكوك في اوصوله
من هو انت من هو بوك
من هو جدك من هو خوك
كان صبيت دويت كلمة الحق يقتلوك
من هو انت من هو بوك
من هو جدك من هو خوك
كان صبيت دويت كلمة الحق يقتلوك
عقيدة معمر هوا مات لكن عقلته
جوا في كل ليبي معمر صغير تاريته
وانا منقولش الا في لي شفته ولي عشته
الشعب ليبي بعد ثورة يدور بس في زرقه
فلوس دروع اطناشر الف يامضاحك
لعبو بيكم ياوسام الحكومة مالها صاحب
او علي زيدان مصاحب الطليان والفارنسيس
يلعب عشرة واقف راس حربه
في ديربي الجواسيس
كلاسيكو لبراليين يلعب قدام الأخوان
والمبارة علي الجزيرة لايف مسجلة بعنوان
مضاحك الربيع العربي برعاية امريكا
المخطط مش حرب علي الطاغوت
علي العقيده
البربر الاباضيه
واهل سنه الماليكيه
الاشعاليه والصوفيه
واهل السلف الحنباليه
الواهبيه والجهميه
والرافضه الشعريه
تقسيم الدين
حسب مخطاطات الصهيونية
هذا الهدف هذا المطلوب
هذا الي جاري فعله
هذا مايبوه اليهود
هذا راه انعكاس واقعنا
وانا مانقولش
الا في الي شفته ولي عيشه
مش نظرية مؤامرة
هذا واقع تاعستنا
وتوا نحط الكادر
ونجي انصور من فوق ليبيا
انحطك في صورة
بش توضح عندك من هما المليشيا
كبانيات مافيات عصابات
تخدم اجيرة
قروبات الدم اكثرهن
وسبب هو القبيلة
تقعص في المشايخ
او غياب روح القيادة
ادا لي تفشي الفوضى
او عدم احترام السيادة
ولي صاير في ليبيا
حرب ايبادة مش تحرير
نقولها كلمة حق منوخرش
مش حرية تعبير
انما وقف الضمير
ولي يبي يصير يصير
الشعب الليبي تما مضحكه
اعذروني في تعبير
مانحولش نسب بلادي
بس القهر كبير
مسكتني ياصحبي العبره
عششت في قلبي لين
وقفت علي الكتابه
طحتلها علي الفيس بوك
خشيت في وضع كئابه
تمت كيف جماعة روك
المهم وانا نتقلب في صفحات الأنترنت
شفت كيف صفحات الفتنة
تنزل في كلام كي يشد
الي يخطم يكذب كذبه
ولفيس بوك راهو تعبه
بصحاب الكلام المسوس
ناس ماتعترفش بي مبدء
ناس تملك صفحات تلقى الدعاية مموله
تكلف ملايين الشعب الليبي بيها اولا
صفحات تنزل في وثائق عن الدولة
من يتبث انه صح ومن يتبث انها مزورة
من يتبث اي حاجه في وقت فيه الاذاعة
طلع الي تبيه ولموذيع مصدر اشاعة
انضني ماتقدرش تتبث حاجه الا شي واحد
نحنا شعب ناكر للجميل ماعنده صاحب
نحنا شعب تحرك فيه الأشاعة تقول مدرب
الليبي سته بسطوني كذب هذا المحرك
انزل علي الشارتولي للوح احشيله كذب
عبيت وذاني بدوه لين وذني جاها الفتك
صدعتو روسنا معاكم لين راسي قريب يشيب
من كثرت مابنغازي تفجيرات تقول عراق
في كل لحظة تسمع تفجير
سيارات مفخخات
طيارات من فوقنا طير
حمايه ومخابرات
كم واحد تما عميل
ولقصص موفبراكات
بنغازي خط ولوح كبير
ولي ولعها راب
ام سي سوات وانا جيت اليوم
بنفجر الحقيقه المره
ليبيا جماهيريه ومازالت ماهيش حره
مازالت تحت ايدين معمر
بفكاره واسلوبه
ثورة فبراير كذبه وثوار اكذوبه
هذا الي يبوك توصله
مش تندم علي انت درته
مش تقعد تحت طوع الحاكم
وتحبله كندرته
مش تشعف وتأدب
وتندم على التغير
مش ترضى بالي قاعد
وتحسب في اقل تقدير
انه باهي الي بدت تلتم
وزادولنا الرواتب
عادي اهم حاجه الفلوس
مايهمنش العواقب
مايهمش من الي فجروه
واحشي انصار الشريعة
حطه في كتوف الي ملتزمين
عادي تمت طبيعة
طبيعية تمت صاحبي
ارسم كل شي يصير
دكه في روس التخلف
واعزق على الأسلاميين
دامينهم هما ساكتين
وشعب مغفلين
اعزقها في علي صلابي
وقوللهم يامقملين
علي صلابي اغبى من انه يصنع تفجير
في راسي ماهوش تهديد
مايشكلش شي خطير
اما الخطر ولي انا خايف منه
قاعد في راسي
انتشر فكر الخوارج المتمثل في النواصي
انتشر فكرة القمع واطاعت ولي الأمر
القبض علي دينك القبض على الجمر
كلمات ومافهيم احاديث وتفاسير
الي لنا انكتب السنه ولله التقدير
يا اهل ليبيا دينا واحد
بأختلاف المذاهب
فكوكم من الموزايدات
الشعب كله جاهد
واخر حاجه نختم بيها
القابلية واهل الجيهه
شرق وغرب شمال جنوب
وكيف تبيها واه
يا أهل ليبيا نوضو
مالكمش الا بعضكم
حربو المرض والفتنة
والأشاعات قطعنكم
واعتصمو بحبل الله
والأسلام ماهوش تطرف
الأسلام دين محبه دين سلام
مش دين تصوف
اللأسلام دين جهاد
ورايه مش بن لادن
الرايه لأي مسلم واعي
وافهمني يابنادم
سيد قطب فكر
اما تفكيره مش كفر
خوك سوات على المايك
ولي ما كيفي تحت الصفر
