Palasher Rang Lyrics & Tabs by Usha Mangeshkar & Bhupen Hazarika

Palasher Rang

guitar chords lyrics

Usha Mangeshkar & Bhupen Hazarika

পলাশৰে ৰং
পলাশৰে ৰং
কোনেনো সানিলে

এই মিঠা সেউজ বননিত
আৰু তোমাৰ কোমল চাৱনিত
জীৱনৰে ৰং
জীৱনৰে ৰং পলাশে সানিলে
কোমল কোমল ঘাঁহনিত
আৰু তোমাৰ বুকুখনিত
যৌৱনৰে এই বলিয়া বানত
তুমিয়ে ময়ে সাঁতোৰোঁ আহা
মৰমৰে এই এনাজৰীৰে
দুয়ো দুয়োকে বান্ধোঁ আহা
বান্ধ ভাগি গ'লে হেৰাব সৰগ
ধুমুহা আহিব ধৰণীত ।

দুয়ো দুয়োকে বান্ধোঁ আহা
বান্ধ ভাগি গ'লে হেৰাব সৰগ
ধুমুহা আহিব ধৰণীত ।
মনে ভবা কথাটি নেথাকে গুপুত
আৰু কথা থাকিল বহুত
নোকোৱা কথাষাৰি
নোকোৱাকে থাকিলেও
ধৰা পৰে তোমাৰ চকুত
নীলা আকাশত আজি আউজি লৈ
হালিছে জালিছে পলাশৰে ফুল
ফুলতো নহয় এয়া মৰমৰে জুই
নেমানে মৰমে কোনো জাতি কূল
দানৱী বিভেদক মানৱী চেনেহে
কৰিব এদিন পৰাজিত।
পলাশৰে ৰং
কোনেনো সানিলে
এই মিঠা সেউজ বননিত
আৰু তোমাৰ কোমল চাৱনিত