Luna Muta Lyrics & Tabs by Oprp
Luna Muta
guitar chords lyrics
E a jurnata avissi a finiri accussì…
l'occhi chiusi e a testa ‘nno cuscinu,
un sonnu c'accumincia… pi poi finiri
quannu luna e suli si runanu u canciu.
Sulu tu ‘nna stà notti china ri pinseri,
tu ca viri tutti cosi e ‘n po' ciatari…
misa dà, sula, ca poi sula nun si
Tu nn'hai centu mila ca ti tennu cumpagnia,
e iu? Iu c'haiu sulu a tia.
Rit
Luna muta
tistimoni ra me vita
e di un'amuri can nun mi lassa paci,
ca si squagghia
comu ghiacciu nne me rita
e di un'amuri can nun mi lassa paci,
ca si squagghia
comu ghiacciu nne me rita
Luna muta, si putissi parrari!
Dicinu ca quannu vidi cariri na stidda,
‘ta chiuiri l'occhi e ‘a ddisiari,
ma nun ci l'ha diri a nuddu
asinnò t'u po' scurdari…
Tu ca l'hai vicini, riccillu ca ‘ncora aspettu!
Dicci ca chiddu chi vogghiu è sempri u stissu,
un'ha canciatu mai…
Rit
Amuri turmintatu d'amuri,
duluri ca nun si po' suppurtari,
gelu rintra l'ossa… ma tu un mu po' cuariari!
Ti ficiru lampiuni di la notti,
allura fammi lustru, ‘nnà stà notti vacanti.
