Im Huus Lyrics & Tabs by Radio 200000
Im Huus
guitar chords lyrics
Isch Ussesihl im Huus
Wiedikä im Huus
isch Wipkinge im Huus
Understrass isch im Huus
Isch Wollishofe im Huus
Altestette im Huus
Isch Oerlike im Huss
Schwamedinge im Huus?
Wänn in Züri e Party oder es Fäscht abgaat, chömed d Lüüt zu mir, wil ich bin ja da! Ich wohne höch obe und lueg uf eu abe. Han e fetti Villa mit eme Pool i de Schtube. Hey, langhaarige, ungwäschne Chreis5-Bueb, mini Tüüre sind vergoldet und bliibed für dich zue. Ich fiire dekadänt und sammle Porsche. Du i dim Chäller söttsch mal Tagesliecht xee.
Säg mer nöd Bünzli, säg mer Trumpf Puur! Bi mit de ächte Büäzer uf Sumpftour. Quer dur Schpünte, Beize und Chnelle, tümmer bim Schtümpe heize Bier bschtelle. (Frölein?) Solang‘s Zwätschge im Kafi dine hät sind mir glatt, usser du chunsch mer blöd mit äme Vierblatt. Han scho Mänge wäg viel weniger abegschtoche, äs Röösli für dich, ha mini Schälle im Trochne. Und überhaupt, tuen ich nöd mit jedem Flegel chegle, gang mer us de Bahn, susch muss ich's mit em Schlegäl regle. Mit de Swissair abschtürze, mit de S-Bahn entgleise: es gaht voll ab zmitzt i de Aaflugsschneise. Zwüsched Kläraalag und Kehrichtverbrännig bringt dir dis tüüre Parfüm numme wenig. Bi eus muesch unedure und glaub mir's mir preiched, wänn mir vo de Autobahnbrugg abeseiched!
Züri-Fäscht, Züri-Fäscht, es git es paar a‘d Schnurre am Züri-Fäscht.
Isch Walliselle im Huus
Isch Uster im Huus
Isch Dübedorf Huus
Urdorf isch im Huus
Isch Uster im Huus
Isch Dübedorf Huus
Urdorf isch im Huus
Isch Thalwil im Huus
Isch Pfäffike im Huus
Isch Bülach im Huus
Mettemestette im Huus?
d Goldküschte wämmer nöd!
d Goldküschte wämmer nöd
d Goldküschte wämmer nöd
wil sie scho zu St. Galle ghört!
Und bi eus isch‘s so wichtig, wichtig z‘sii. Nume gladeni Gäscht und nume V.I.P. Immer uf de Pischte, uf de Gäschtelischte. Langwiili isch gliich, Hauptsach exklusiv! Und isch de letscht Pfupf pfupft, s letscht Cüpli gschluckt, die letscht Zigi uusdruckt, de letscht Grüen abegschluckt, de letscht Gsund verschnupft, de letscht Depp verzupft, gömmer go wixe vor em Schpiegel will mir nur eus sälber liebed. Ich bin de Langschtrasse-Hustler,
Drogedeal-Baschtler. Kei Angscht vor em Knascht, er macht de Zaschter. Will das Quartier isch mis Revier und nöd dir oder dir sondern mir, mir, mir! Han meh Chicks als d Langschtrass Kebap-Schtänd. Die xeend süess uus a de Schtrasse-ränd. Han Russine, Blacks und Thais im Sortimänt. 200 Schtutz, wo din Papi brännt.
Mache meh Rendite wie e Schwiizer Bank, verdien mis Gäld mit figge, zahl kei Schtüüre, du Punk! Was dini Tochter schliisst, macht mich nume riich. Ich bin de krassi Siech, du chach mi hasse, s isch mer gliich.
Züri Fäscht...
Isch s Glatttal im Huus
S Limmatttal im Huus
Isch Winterthur im Huus
s Oberland isch im Huus
Isch d Pfnüselküschte im Huus
s Säuliamt im Huus
s Wehntahl im Huus
und au s Furtal Im Huus?
d Goldküschte wämmer nöd
d Goldküschte wämmer nöd
d Goldküschte wämmer nöd
wil sie scho zu St. Galle ghört!
