Hie bin i daheim (Bonus Track) Lyrics & Tabs by George
Hie bin i daheim (Bonus Track)
guitar chords lyrics
Dr Wind
trybt eim mängisch wyt ewägg,
so wyt,
dass me vergisst,
wo me häreghört.
I ha immer
wie ne ewige Wanderer gläbt,
ha myni Spure hingerla,
einisch hie
und einisch dört.
Jetz bin i z'rügg
a däm Ort,
wo myni Wurzle blibe si,
und wo mi zu däm het gmacht,
won i immer no bi.
wo myni Wurzle blibe si,
und wo mi zu däm het gmacht,
won i immer no bi.
Wenn d Sunne hingerem Jura ungergeit,
und d'Fälder schyne
wienes grosses Meer,
we d Erinnerig
a früecher mi dört häretreit,
de gspürenis töif i mir,
hie bin i deheim.
Da steit das Huus,
won i glehrt ha,
was 1+1 git,
und i dir mal gschwore ha,
du wärdsch di einzigi si,
Mir hätt‘ denn aues gäh
für z'wüsse,
das es immer so blybt,
und i hätt niemerem gloubt,
wo mir gseit hätt,
irgendwenn ischs verby.
Du hesch di veränderet,
i au dene Jahre,
doch die Bilder vo denn,
gsehn i immer no klar.
Wenn d Sunne hingerem Jura ungergeit,
und d'Fälder schyne
wienes grosses Meer,
we d Erinnerig
a früecher mi dört häretreit,
de gspürenis töif i mir,
hie bin i deheim.
de gspürenis töif i mir,
hie bin i deheim.
Jodel...
Jetz bin i z'rügg
a däm Ort,
wo myni Wurzle blibe si,
und wo mi zu däm het gmacht,
won i immer no bi.
Wenn d Sunne hingerem Jura ungergeit,
und d'Fälder schyne wienes grosses Meer,
we d Erinnerig
a früecher mi dört häretreit,
de gspürenis töif i mir,
hie bin i deheim.
Wenn d Sunne
hingerem Jura ungergeit,
und wenn d'Fälder schyne
wienes grosses Meer,
we d Erinnerig
a früecher mi dört häretreit,
de gspürenis töif i mir,
hie bin i deheim.
de gspürenis töif i mir,
hie bin i deheim
de gspührenis töif i mir,
hie bin i deheim
