Geistertruck am Aichelberg Lyrics & Tabs by Hank Häberle Jr.

Geistertruck am Aichelberg

guitar chords lyrics

Hank Häberle Jr.

I fahr g'miatlich uff dr Autoboh, es isch kurz vor Middrnacht,
Vor mir rollt en schwarzer LKW, isch komisch der hot's Licht aus g'macht.
I denk mir "Ha des muss so a Seggl sei, fahr doch volles Rohr und ohne Licht",

I mecht an dem Laschter links vorbei, do glaub I, dass mi a Hammer trifft!
Geistertruck am Aichelberg - und koiner hockt im Führerhaus!
Wia a Schadda raucht'r lautlos durch die Nacht
Und Flamma haut's zum Ausbuff 'naus!
Flamma haut's zum Ausbuff 'naus!
Emmer schneller wird der schwarze Truck, den zu iberhola schaff I nie,
Do packt mi von henda a eelverschmierte Hand, mir schloddred vor Angscht scho de Knie.
In Ponik dabb I voll uff d'Bremsa druff, I du alles was I ko,
Do goht bei dem Truck des Seitafenschter uff und mir wenkt dr Sensamoh!
Geistertruck am Aichelberg - und koiner hockt im Führerhaus!
Wia a Schadda raucht'r lautlos durch die Nacht
Und Flamma haut's zum Ausbuff 'naus!

Geistertruck am Aichelberg - und koiner hockt im Führerhaus!
Wia a Schadda raucht'r lautlos durch die Nacht
Und Flamma haut's zum Ausbuff 'naus!
Flamma haut's zum Ausbuff 'naus - aiiia!
Uff oimol do fangt der Truck zum leichta oh, wie a UFO fliegt'r in Hemml nai,
"Null Uhr Fuffzeah", secht dr Radiomoh, "Geisterschtund' isch jetz' vorbei."
Geistertruck am Aichelberg - und koiner hockt im Führerhaus!
Wia a Schadda raucht'r lautlos durch die Nacht
Und Flamma haut's zum Ausbuff 'naus!
Flamma haut's zum Ausbuff 'naus!
Flamma haut's zum Ausbuff 'naus - jeeeeheee!