Escoutatz Lyrics & Tabs by Helium Vola
Escoutatz
guitar chords lyrics
Dirai vos senes duptansa
D'aquest vers la comensansa
Li mot fan de ver semblansa
Qui ves Proeza balansa
Semblansa fai de malvatz
Jovens faill e fraing e brisa
Et Amors es d'aital guisa
De totz cessals a ces prisa
Chascus en pren sa devisa
Ja pois no'n sera cuitatz
Amors vai com la belluja
Que coa.l fuec en la suja
Art lo fust e la festuja
E non sap vas qual part fuja
Cel qui del fuec es gastatz
Art lo fust e la festuja
E non sap vas qual part fuja
Cel qui del fuec es gastatz
Dirai vos d'Amor com signa
De sai guarda, de lai guigna
Sai baiza, de lai rechigna
Plus sera dreicha que ligna
Quand ieu serai sos privatz
Amors soli' esser drecha
Mas er'es torta e brecha
Et a coillida tal decha
Lai ou non pot mordre, lecha
Plus aspramens no fai chatz
