Dilberê Îro Seher Lyrics & Tabs by Zuber Salih & Melaye Ciziri
Dilberê Îro Seher
guitar chords lyrics
Dilberê îro seher
Avête cergê min du dox
Yek li sîne yek li dil da
Lew ji min tên ax û ox
Ah û oxên min ji dil tên
Lê ji ber tîra qizil tên
Yan ji kovanên di kul tên
Jê dizêt her xwîn û zox
Xwîn ji dil co co rewan tê
Wek 'eqîq û erxewan tê
Lê ji dest selwa ciwan tê
Ew şepala şeng û şox
Ew şepala şox û şeng e
Kafira rom û fireng e
Dame ber cotek xedeng e
Ew şepala şox û şeng e
Kafira rom û fireng e
Dame ber cotek xedeng e
Zalimê kuştim bi dox
Zalimê kuştim şepalê
Nazikê qencê delalê
Bûn hicaba zulf û xalê
Îdek û 'ala û tox
Netrik û tayên bi rîşî
Ê di zêr in pê ve wîşî
Min du fêris dîn di pêşî
Mirwet û insafi yox
Lew heriftim ez ji meylê
Şubhetê sehlê we seylê
Muhbet û 'işqa di Leylê
Ez kirim yekser pilox
Dest nehêlim ez ji dînê
Şubhê Ferhad û Şirînê
Wer ji ber 'işq û evînê
Min di rê çit ev kilox
Suhbeta çerx û sema tê
Wek Melê sed mubtela tê
Zemzem û ava heyatê
Muşterî sed şeyx û şox
Melayê Cizîrî
