Völlig Ejal Lyrics & Tabs by BAP
Völlig Ejal
guitar chords lyrics
Jottweiswo quält irjendeiner 'e Moped, dä Baggersee litt still wie 'n hillije Naach. E Schatteplätzje, 'n Deck un keiner säht jrooß jet. Kein Ahnung, wat hück ess. Vun mir uss Donnersdaach. Ne oversexte Frosch quak jetz schon sick drei Stunde. Du dös nevve mir, alles perfekt. He's alles ejal, all Sorje weede einfach hück vertaach - alles ejal - op morje. Hück dummer einfach keine Schlaach. Völlig ejal, wann et he widder donnert oder bletz. Völlig ejal. Se künnen uns all... ens jähn hann. Völlig ejal. Se künnen uns all. Ne Düsenjäger flüsch unhührbar südostwärts, ne wieße Striefe blieht. Jetz frooch mich bloß nit woröm. Weit un breit kein Mensch, nur aff un zo 'n Möck nerv. Die Sommerluft vibriert, danz wie en Trance övver'm See. Janix intressiert, nit ens die bloodichste Schlaachzeil. Morje widder, Lück. Hück weed relaxt
