Sie määt süchtig Lyrics & Tabs by BAP
Sie määt süchtig
guitar chords lyrics
Du hatts dir su fess vüürjenomme,
du feels op kein mieh rinn:
"Ejal, wat kütt, ejal wat nit,
met Liebe ess nix mieh drinn!"
Em Zweifelsfall hässte treck affjewunke:
"Mich mäht kein Frau mieh blind!"
Denn schon beim eezte klizzekleinste Funke
zuck dat jebrannte Kind.
Du hatt's dir'n Maginot-Linie öm et Häzz jebaut,
hätts keinem Losungswoot mieh övver der Wääsch jetraut.
Vüür hühre Dööchter un Prinzessinne op Hääze op der Hoot,
häss du jeschwoore.
Sie määt süchtig,
einfach alles ahn ihr trick dich zo ihr hin -
wie en Hypnose, wie magnetisch,
Sie määt süchtig,
einfach alles ahn ihr trick dich zo ihr hin -
wie en Hypnose, wie magnetisch,
du wills ständig bei ihr sinn.
Su lang künnt keine Winter sinn,
su düster wöhr kein Naach.
Dat dir der Blues noch ens e Schnippche schleet,
hässte nur laut jelaach.
Doch wie mer lang, lang bruch, öm jung zo weede,
wie der Picasso säht,
sching och die Binsenweisheit wohr ze sinn,
vun wäje: "... nie zo spät"
Jetz läufste römm, als ob de'e Tor jeschosse hätts,
un jeder denk: " Dä spennt, dä's wie en Trance tz!"
Adrenalin hält dich am Schwebe, un du strahls,
wie mer dich lang ald niemieh kennt.
Sie määt süchtig,
einfach alles ahn ihr trick dich zo ihr hin
wie en Hypnose, wie magnetisch,
du wills ständig bei ihr sinn.
