Salz vur Erda Lyrics & Tabs by Sektion Kuchikäschtli
Salz vur Erda
guitar chords lyrics
Ref.: Miar sind z Salz vur Ärda! Und as hängt vu üs ab,
ob miar vunanander lernen oder üs alls verderben,
ob miars schaffen, dass bald alli gliich behandlet werden
und z Guata wiiterfüahren, wenn dia Alta sterben.
Miar sind z Salz vur Ärda! Und as hängt vu üs ab,
ob miar vunanander lernen oder üs alls verderben,
ob miars schaffen, wiiterzcho und z Guata bhalta werden,
wo miar vu da Alta erben. Miar sind z Salz vur Ärda!
I bin Europa. Dia alti Dama vur Neuziit.
Und klappt, was i vorhan, wär z Resultat sehr erfreulich.
Han mer ir Vergangaheit einiga Saich iibrockt.
Glaubt, dass vu eu dr gröscht Teil no in dr Steiziit hockt.
Doch hüt gsehn i das anders und stuat mer leid wäga däm,
wo iar dur mi erfahra hän. I hans au maischtens verdrängt.
Suacha jetzt dr Dialog, bin i au innerlich uneins.
Doch hüt gsehn i das anders und stuat mer leid wäga däm,
wo iar dur mi erfahra hän. I hans au maischtens verdrängt.
Suacha jetzt dr Dialog, bin i au innerlich uneins.
Müan ufanand losa, alls andra wär a riisigi Tummheit.
I bin dr bescht Bewiis dafür, zu was Menscha fähig sind,
zu was es füahrt, wenn sich aina in siim Wahn bestätigt find.
Irgendwenn han i au dia jüngschta Chriag ganz verdaut
Und bin bereit für wohra Friida. Und? Sind iar das denn au?
I bin Afrika, doch mi hät ma schiinbar vergässa
Noch dr Ziit vu immer wieder grossa und gliicha Versprecha.
Bin schiints z Fass ohni Boda und drum lohnt sich’s nid zrechna.
Doch zum Teil wär i scho froh, hätti bloss öppis z ässa.
Sind mol ehrlich: Miis Wohl stosst uf kai grosses Inträssa.
Iar hän eura Wettbewerb. I bliib usgstossa und bättla.
Subventiona im Weschta. Han nid dia mindischta Chance.
Alti Kalaschnikows in Händ vu Chindersoldota.
Fühl mi zwüschet geschter und morn entschidda verlora.
Iar sägen: Transformation. Miar reden verschiidani Sprocha.
I-verstohn-eu-nid! I han immer no Froga
Und iar euri Antworta, aber i bin nid berota.
I bin dr Fern Oschta, Asia, dr Orient.
Und waiss no jeda z überrascha, wo mi no nid kennt.
Iar gsehnds jo hüt und das nid gern: Iar hän mi unterschätzt!
Hüt fallt miin Nama, wemma vumna Wirtschaftsufschwung schwätzt.
I han Arbetsmoral, Disziplin und Respekt, wo eu fehlt.
Hoff uf besseri Täg und verfächta miin Wäg.
Verbinda Tradition mit modernem Fortschrittsgedanka
Und s würd akzeptiart, dass i noch wia vor noch Ordnig verlanga.
I bliib as Kollektiv. Miis soziala Netz isch no gspannt.
I hola uf und ii. Luagen; i halt eu jetza scho Stand!
I bin dr Noh Oschta. Und i setz mi zur Wehr.
Denn Ignoranz und Unterdrückig verletzen mi sehr.
I werda hii und här gschupft. I frog mi: Raffen ders nid?
Ma unternämmt jo nüüt dagega. Easy, gaffen as biz!
Bin demüatigt und an Spiilball vur Machtpolitik.
Und doch wundret sich dia ganz Welt no wia raschtlos i sig.
Iar gsehn i n miar nur an Feind. Nümm Kraft usem Islam.
Doch au dä wird kriminalisiart. I bin jo sack-radikal!
I schüür dr Kulturkampf? Wär macht Chriag ohni Grund?
Wer riisst Hüüser ii und bombt, bis jedes Viartel verchunnt?
Mainen iar, i sei tumm und für eu hegi nur Niid?
Jo, i mag euri Dekadenz nid, doch hass t Hegemonie!
Muass mi nid vorstella. Iar wüssen, wer i bin.
Dä, wo au öppis für all tuat, wenn iar no sperrig sind.
Han eu Cola und Freiheit brocht, also freuen eu gfälligscht .
Und sind mol entlich tatbereit. He, bin i eueri Nanny?!
Gsehn iar t Gfohr nid dött dussa? Us droht t Massavernichtig!
Vor spaar Johra no t Russa, doch bald krachts amol richtig.
Fuck euri Problemli! Iar hän kai ölfta September.
Doch i jag dia huarra Schwiihünd, bis sie öffentlich hängen.
I hassa Pluralismus! Fahra aigleisig!
I liaba Konformismus. S zellt nur ai Mainig!
Kämpf für miini Sicherheit. Dass ma das würkli nid checkt,
raffi nid. Iar hän Iiwänd? I setz mi drüber hinweg.
Wär jo no schöner, wenn’s dazua miini Rücksicht bruucht.
Für was gib i suss 100i vu Milliarda für Rüschtig us?
Alli Feinda vur Freiheit wird miini Stärchi besiiga.
Bin unagfochtni Nummer 1 und i wird sie au bliiba!
Ref.: Miar sind z Salz vur Ärda! Und as hängt vu üs ab,
ob miar vunanander lernen oder üs alls verderben,
ob miars schaffen, dass bald alli gliich behandlet werden
und z Guata wiiterfüahren, wenn dia Alta sterben.
Miar sind z Salz vur Ärda! Und as hängt vu üs ab,
ob miar vunanander lernen oder üs alls verderben,
ob miars schaffen, wiiterzcho und z Guata bhalta werden,
wo miar vu da Alta erben. Miar sind z Salz vur Ärda!
