Passion Lyrics & Tabs by Los Massadores
Passion
guitar chords lyrics
I dise che "semo in crisi e una soea xe ‘a soeussion
Far girare l'economia, incrementare ‘a produssion"
Ma mi no capisso mia massa sarà che so' un poro ignorante,
cossa goi da ndar comprare, se no me manca niente
‘a realtà xe ghemo tutto, e mai s' incontentemo
far vedar che semo siori in tuto queo che femo
I vaeori xe ndati persi pa' ‘ndarghe drio al progresso
Ai nostri fioi ghe assemo un mondo
Che i poe trarlo dentro al cesso
Femo tutti un passo indrio par risolvar ‘a situassion
E se podemo riprovemo a fare ‘e robe co passion
Parche' no ghe xe pì passion
no no no, no ghe xe pì passion
parche' no ghe xe pì passion
no no no, no ghe xe pì passion
no no no, no ghe xe pì passion
parche' no ghe xe pì passion
no no no, no ghe xe pì passion
‘Na volta i vegneva grandi sensa poci par zugar
I conossea ‘a fadiga e un mestiere da imparar
Sporcandose un poco ‘e man, par pochi franchi al mese
Chel poco che bastava par cuerzarse ‘e spese
Vardemose i nostri tosi, fra divani e teevisioni,
nessuni s' incontenta e i vol diventar campioni,
de ‘sta società busiara che li fa credere promesse
che buta via ‘e scarpe sensa gnanca averle messe.
Intortai da quattro schei
Disposti a tutto pa'l successo
Fare ben o fare mae, par tutti fa istesso
Parche' no ghe xe pì passion
no no no, no ghe xe pì passion
parche' no ghe xe pì passion
no no no, no ghe xe pì passion
Vivar par lavorare sensa ‘a testa mai alsar
confondendo i dì de festa sensa fermarse e mai pensar,
Ma che senso pol avere star al mondo co altra xente?
Quando i oci no ghe vede, quando ‘e rece no ghe sente.
Ama el to prossimo come te stesso i me lexe dai vangei
Ma se capita calcossa, semo i primi a puntare i dei
Pare che savemo tutto, desmentegandose el perdono
E par sistemar ‘a cosciensa, ‘a confession me dà el condono.
No dovemo tornar indrio o piantare ‘e raixe
Ma ‘ndar vanti co ‘na s-cianta de quel che se ghe dixe.
Parche' no ghe xe pì passion
no no no, no ghe xe pì passion
parche' no ghe xe pì passion
no no no, no ghe xe pì passion
