Padam feat. PDDP Lyrics & Tabs by Liricas Analas
Padam feat. PDDP
guitar chords lyrics
Pam, pam, pada-pam
Parabaram pam pam padam parabara-ra
Ram, pam, pada-pam
Parabaram pam pam padam parabara-ra
La cigi suenter tscheina, il caffè suenter il gentar.
Ell‘urgelia la ghitara emperneivla da tedlar,
Cul beat ed il bass ed aschia vein nus spass.
Vollgas, voll crass, la directiva dein atras.
En masse luccadad ed ussa tuchegiar.
Spontan schar dar per ussa fadigiar: quei cheu.
Buc boc da semuentar ni ir viado.
Mo scher entuorn, e buc dar breigia da serevegnir zaco.
Gie mira, cheu negin che fa zatgei da valer,
calira, cheu setilel or e semplamein mo schaiel
Entuorn mei ei tut mo pacific.
Gie mira, cheu negin che fa zatgei da valer,
calira, cheu setilel or e semplamein mo schaiel
Entuorn mei ei tut mo pacific.
Sas far stress, jeu prendel ei easy.
Peace! Chill! Fetsch negin deal,
mia casa, mia fresa, miu curtin e miu grill.
Ed enzaco stun jeu fetg bein en quella situaziun,
mo daco duei jeu tedlar sin vus e vegnir cun?
Jeu less durmir en avon la chista mintga notg,
suenter diesch minutas docu, va pli dabot.
Aschi buc flot, la tscheina stoss jeu schar vegnir traso,
atgnamein sun jeu aschi marschs ch‘jeu s‘audel sil schaffot.
Jeu less mo tener mia cara mintga sera
ed era sch‘jeu vegn da far nuot, jeu selegrel,
cul tgaun mon pauc e svidel il tgau e dar paun allas entas.
Il pli bugen fetsch extrem e raquentel pulentas.
Jeu less leger vinavon miu cudischet
senza saver tgei ch‘jeu hai legiu en quei mumenet.
In mument perfect, in bi maletg,
da buc stuer far zatgei, da buc stuer volver in det.
Less la sera in glas vin, in bien culla Nadine,
naven dalla canera, la sien porta la fin,
mintgin da quels muments vala ei da viver,
magari star eri, schar liber, far larifari e scriver.
Sut il streh ti gudognas, sche ti fas si tias mongias,
tegnas si tias combas e vegns aschia tier las ligiongias.
Tgei damondas? Has aschi bia ambiziuns fetg grondas?
Fai buc aschi speronzas, la canzun dalla veta eis mo ti che contas.
La melodia, sco la via, ei la tia.
Pia pren sco ei vegn e lai la melancolia.
Ed alla fin aunc in grappa cun caffè,
3, 2, 1 nus schein uss tuchegiar!!
