Numme mir drey Lyrics & Tabs by Brandhärd
Numme mir drey
guitar chords lyrics
Ych ka`s kuum glaube, ha mi nonig dra gwöhnt.
Syt däm Mai isch jede Tag schön.
Y weiss no genau im letschte Spootsummer:
mir zwei in Paris, früsch verlobt unter blauem Himmel,
nervös am Kaffi trinke. Wo mer`s usefinde
und denn im Glück versinke. Y weiss no Di Gsicht
und gseh no Di Blick, wo uns bewusst wird:
bald sinn mr z`dritt. Näb dr Freud kömme
erschti Sorge uff. Alles wird neu und
schmeckt nach Morgeluft. Was seit unsri Fam?
Was meint unser Umfäld?
Glyych was kunnt, mir wüsse dass mr uns hänn.
Klar sinn mr jung, genau das isch dr Grund.
E so hänn`s mr welle, das Kind kunnt nach Wunsch.
Villeicht sinn mr naiv - s`isch uns glyych.
Klar sinn mr jung, genau das isch dr Grund.
E so hänn`s mr welle, das Kind kunnt nach Wunsch.
Villeicht sinn mr naiv - s`isch uns glyych.
Doch das isch erscht dr Afang von`re
wunderbare Zyt
Refrain x 2
Wenn eins und eins plötzlich drey ergitt. Und dr Klei teilt sich uns
mit `me Schreye mit. Isch`s dr Wäg wo mr wänn,
g`wählt us freye Schritt.Denn isch alles ok -
es sinn numme mir drey.
S`isch nid eifach am Afang das Gheimnis bewahre.
Könntsch d`Wält umarme, aber kein darf`s erfahre.
Wo`s denn so wytt isch, dass mr d`Freud teile,
zeigt sich au Zwielicht - vo uns bereut`s keine.
Aber gwüssi Einzelfäll sinn rächt schockiert.
Als hätte sie e Ahnig - mini Gfühl sinn blockiert.
Sie gsehn nur Problem und verzelle defoh,
als ob`s e Unfall wär - mer hänn`s welle e so!
Ych find das fräch, s`macht mi rächt fertig
und hässig zuglyych, y bruch kei Rächtfertigung.
E Kind das isch, für mi kei Hindernis. Obwohl`s
für gwüssi schyynbar fascht nüt schlimmers gitt.
Für mi git`s nütt schöners als e Kleikind wo
d`Eltere jung und derfür bereit sind.
S`richtige Umfäld wo Wärmi und Schutz gitt.
Y stand immer vor euch wien-e Schutzschild.
Refrain x 2
Mini Wält isch nümm die glyych, syt Du do bisch.
Schnäller öpper liebe, y glaub das goht nid.
S`isch, als ob `mi sälber gseh uffwachse.
Du spieglisch mi Läbe, e Träne, muess uffpasse.
Freud folgt dr Schwärkraft d`Wange durab.
Träne wie Perle, mi Hand fangt sie ab.
Y will für Di do syy, will Di wachse gseh.
Und zwor do lang wie möglich, dass lohn-y mr nid neh.
Durch Di als Verglyych wird alles relativ.
Y gseh vieles bewusst und nümm so negativ.
Dr läbigi Bewyys, wie eifach doch Glück isch.
Egal was Du machsch, Du hesch mi Untersützig.
Gang Di Wäg, y kumm e Stück mit.Y be und blyb Di Vater -
do drfoh gits kei Rücktritt.
Egal was au isch, weisch, was y nie vergess?
Du und Dini Mueter hänn mr zeigt was Liebi isch.
Und wenn`s dr mol schlächt goht, denn hüül nid.
Du weisch dass s`Produckt vo dene Gfühl bisch.
Also, wenn`s dr mol schlächt goht, denn hüül nid.
Du weisch dass s`Produckt vo dene Gfühl bisch
Refrain
Cuts:
Nor d`ehr zwei und Mini Wenigkeit. x2
Das Band rysst nie. sondern isch für d`Ewigkeit. x2
