Mouramour Lyrics & Tabs by Danyèl Waro

Mouramour

guitar chords lyrics

Danyèl Waro

Mouramou
La lav an lwil y koul
dann ravine

vinn in lili
i siny dann lam la mér
vi rèv in vouv i anval
lo rèv Eva
lé an voulvoul
po Ansin la
Ti lanp ti lanp
Dyanpar
pyé langilang
i anpar
lodér transpir
gingin mousang

i anpar
lodér transpir
gingin mousang
bra la rivir listwar
basin bisik mon lèv
i bwar
kréson la plim
lé tann i kronm
in fanm in zonm
konkonm in kor
dann kim dol
Dan tét kat piton
pyédbwa
la biz i arlonz
i arlèv
la min lo van i avane
i anvwadfami la mor
dann vèy zanfan
la min lo van i avane
i fanafout mon kor
dann fèy fanzan
Sové brann kann
dann payake
foular fanm Linn
dann kapline la
dofé boukann
dann bwa kasya
brouyar la Plinn
sanm kafrine la.
Zïng zinzanm
zyé monmon
i sanpiyon zérnyonm
mon kér
baba boutir
ké la pwin sézon
li zinzin zin Misar
gro pwason i bèk si lo tar
po li anbwa Listwar
i doboutgèt
po gonn
mon péi fanm ranpar
wo Larényon
Lombraz la line i avaz
tibrine
i lyann
po salangann
Salaz
maloyann Piton Nyang
dolo so so so
dési la ros i lav
sousout an bav
bann ramatou
dann Tamatav.