Manzel vodou Lyrics & Tabs by Baster
Manzel vodou
guitar chords lyrics
Samedi passé, quand moin té sorte St-d'nis, quand moin la arriv dans la caz moin la trouv manzel Vaudou
El té assise avec son tit marmaille, el la demande a moin si mi veux marié ek el,
Toute d'suite moin la dia el
Non mi veux pas, mi crois pas sorcier, l'esprit, l'amour pou laiss amarre mon coeur,(bis)
Dimanche ensuite moin la monte Cilaos,
pou aller voir gra moune Vaudou,
dans son la case,
Li té assise avec son zjoli fille, que té entrain d'pleurer, à coté d'li,
Li la demande a moin poukwé mi veux pas? poukwé mi veux pas marié avec son fille,
Toute d'suite moin la dia li, mi crois pas sorcier! mi crois pas sorcier l'esprit lamour pou laisse amarre mon coeur
Moin cak mi veux c'est vive en liberté, vive comme un paille en queue, dan un ciel sans nuage,
Gra moune la pu di rien, manzel garde a moin en d'ssous, un larm roule dan son zieu, moin la mank zaviré,
Dan mon viré tourné, soleil té fine tombé, zétoiles té pou lévé, grillons largue son chanté,
Dan sentier marron, mon tête plein zétoiles,
Moin ni veux vive en paix, vive comme un paille en queue.
Dan mon viré tourné, soleil té fine tombé, zétoiles té pou lévé, grillons largue son chanté,
Dan sentier marron, mon tête plein zétoiles,
Moin ni veux vive en paix, vive comme un paille en queue.
