Mañana fria Lyrics & Tabs by Desakato
Mañana fria
guitar chords lyrics
Mañana fría soledá
la casa vacía
ella entama’l día
el relevu ya debió entrar.
Nun hay que pensar, ¡piensa!
mientres guarda la so ropa
Él ellí abaxu
y yo equí tan sola.
Cuando vuelva esnalaré
mientres tantu, la espera ye amarga.
Cuando vuelva esnalaré
otru día más que le gano a la montaña...
Nun hay que pensar, ¡piensa!
¡Cuánta rabia, cuántu dolor,
cuánta resignación!
Nun hay que pensar, ¡piensa!
¡Cuánta rabia, cuántu dolor,
cuánta resignación!
Y nun quiero llorar, ¡nun quiero!
que ya toy farta,
que ya se que les llágrimes
nun ganen batallas
Cuando vuelva esnalaré
mientres tantu, la espera ye amarga.
Cuando vuelva esnalaré
otru día más que le gano a la montaña...
Hay que ganar un xornal, hay que vivir
y ye lo que hay...
Hay que lluchar, hay que seguir
tirando pa alantre...
Pero si un día nun vuelve ¿qué voy facer?
si un día nun vuelve.
Si la mina traidora
me lu roba ya pa siempre...
Cuando vuelva esnalaré
mientres tantu, la espera ye amarga.
Cuando vuelva esnalaré
otru día más que le gano a la montaña...
