Love in the Casa De Riposo Lyrics & Tabs by Los Massadores
Love in the Casa De Riposo
guitar chords lyrics
Bonsoir, me ciamo Piero e son pena rivà
Vinti ani de Belgio, trenta de Canada
Me piaxe ‘a to permanente turchina
dai che se faxemo un giro co ‘a Bianchina…
Piacere Marisa, son nata a San Zen
Xà doparada, ma tegnua ben…
e anca se son dea classe del ‘20
mi magno uncora co tuti i me denti
Marisa tesoro, te vujo cussì,
Dopo el rosario te speto da mi!
Sento xà ‘a prostata che me sbate
El caldo che me va zò pa ‘e cueatte…
Asseo perdare, l'è un poco de bon
Queo de sicuro el ga brutte intenssion
Asseo perdare, l'è un poco de bon
Asseo perdare, l'è un poco de bon
Queo de sicuro el ga brutte intenssion
Asseo perdare, l'è un poco de bon
Queo de sicuro el te ‘a fa de scondon
Stasera Marisa faremo un feston
Shampoo e caviae se magnemo ‘a pension
Desmenteghemose l'osteoporosi
Dai che stasera faxemo i morosi
Stasera Marisa faremo un feston
Dentro ‘a balera co l'Amplifon
Mi no son beo come un Andrea Bosa
Ma vedo, Marisa, che te si promosa
Piero, no riesso no darghe del vu
Xe dal ‘30 che no go un rendez-vous
l'ultima volta che ‘a go data via
ierimo ancora sotto ‘a monarchia!
Marisa mia cara, no sta preocuparte
Vien qua che te digo ‘na roba in disparte
No a xe ‘na pee come el cueo de un puteo,
e darghe ‘na stirada no iera pì beo?
Mi go paura che no ve piaxo
lu el continua a menarme pal naso
No stè scoltare chee quattro arpie,
se tratta de cavarghe un fià de scarpie!
Stasera Marisa faremo un feston
Shampoo e caviae se magnemo ‘a pension
Desmenteghemose l'osteoporosi
Dai che stasera faxemo i morosi
Stasera Marisa faremo un feston
Dentro ‘a balera co l'Amplifon
Mi no son beo come un Andrea Bosa
Ma vedo, Marisa, che te si promosa
Assea perdare che ‘a xe un sacranon
Quea se te ghe provi ‘a te gira el baston
Assea perdare che ‘a xe un sacranon
Quea de sicuro no ‘a te verze el porton
Bevito un rosolio?
No, no lo vollio
Bevito un cordiae?
No, el me fa mae
Femose ‘na china con un fià de chinotto
Xe da stamattina che go, che go, che go…
Stasera Marisa faremo un feston
Dentro ‘a balera co l'Amplifon
Una coppia di anziani che balla
Al ritmo sfrenato delle vuvuzelas!
