Jede Draum jedräump Lyrics & Tabs by BAP
Jede Draum jedräump
guitar chords lyrics
Er kohm em Ohvendleech, met leichtem Handjepäck, met jeder Art Jeföhl hinger'ner Sonnebrill versteck. Doch die Naach nohm ihm die Tarnung un en einem och die Angs, ihm, dä ei'jentlich als zynisch un distanziert bekannt. Nur Zigeuner hann su'n Hoore un dä Uhrring, dä se dräht, funkelt wie ene Räänboore, wenn se ihre Name säht. Sie hätt Häng wie die om Tijer, die mer's Hindu-Temple kennt. Et ess sonnenklar, wieso mer se»Mata Hari«nennt. Se hann, sick se sich jetroffe, keine Aureblick versäump. Se hann kein Sekund jeschloofe, un trotzdämm jede Draum jedräump. Wie nem Troubadour, nem Hofnarr nimmp mer ihm rein janix krumm, wie die Ladies met Longdrinks, un Smalltalk op der Zung, die su schadenfroh, wie schüchtern, barmherzig un verletz, met perfekt jeschminkte Auge'n verblüffend simple Tricks. Nenn et Kismet oder Zofall, wat se herjeführt, t' hätt ein Parallel die Zweite en dä Unendlichkeit doch noch berührt. Un er luhrt ihr en de Auge un versprich ihr en de Hand, jetz, wo se he'm Hafen stonn un einer blieht ahn Land:»Och wenn mir jetz ussenanderjonn, blievs du als Leed bei mir, dat eines Daachs dä Wääsch fingk bess zo dir.«
