Foutan Fonnkér Lyrics & Tabs by Danyèl Waro
Foutan Fonnkér
guitar chords lyrics
Mwin mi di vin désanm la pokor
Lèrk in fanm po lo zonm
Zis dann pomé son kor
Koman bann kaf lankan
Ni tat panga tamann
Tir lanpa gèt maswar
Cabo sabouk pouvwoar
I pé fyak an dovér
Po nou konfés na liyéfér
Kifouti vin désanm lé nankor
Gropapa gromonmon
Porézon lé batar
Ti baba zot inyor
Kinm in gaté baya!
I di... Pokwé Rwanda
Ti baba zot inyor
Kinm in gaté baya!
I di... Pokwé Rwanda
Démon Krwasi foutor
Laproptaz kontnasyon
Serbi Yougoslamor
Mwin mi di vin désanm lé an roklor
Lèrk in rak dann in kor
Po souyonn mon fanmté
Mon balo dann lalé
Zazakèl po kapkap
Dann in kwin kokiyé
In makrotaz léta
Ou giny pa lir papa?
"labi dalcol é danzéré"
Mwin mi di vin désanm la po mor
Lèrk in moun son kozé
Koman gatir la ront
Son téi kozanzé
Li profér fé la pyont
Anval déor bouré
Koz dési
Pa kozé
Anw srécec la po tin
An sésrès nout kozé
Mwin mi di vin désanm lé an foutan
Kank ravine la la dsann
Sof onzèr sof aswar
In moun
In loto
Kouyonis lisolwar
Lo syin dann in rozwar
Légalité déor
Li tinel lantanwar
Mon péï boutéyé
Mwin mi di vin désanm férkwé
Si ni aspèr soman lodér koson griyé
Po lansyin mér foutan
Sanm lo kar par paké
Po saroye nout vyé grès
Lasistans rémi sès
Po nou kraz maloya Sardagarigaté
Mwin mi di vin désanm mon boyo
Lérk in mér i donn kado
Po li touf in fonnkér
Rant nou dé mon monmon
Batay fanm la méri
Bézman livré fanmi
Amwin marmaye mizér
Kinm an désin an flér
Mwin a kado mon kér
Mwin mi di vin désanm sar sové
Kank na dérak nout kér
Kank na déblak la tér
Po arpran nout lavenir
Dann la min misyé Blan
Dann la min papa mér
Donn pa nou liberté
Anon ras par nou minm
Amwin la vi mi yinm
Lé dann la min lanmou
Donn pa nou liberté
Anon ras par nou minm
Amwin... La vi mi yinm
Lé dann la min lanmou...
