Fill de ferr Lyrics & Tabs by Davide Van De Sfroos
Fill de ferr
guitar chords lyrics
Disen tücc che el laagh de Comm... l'è faa cumè un omm
Ma me sun sicüür che l'è una döna
Te gh'eet de facch el fiil se te voeret sultàcch söe
Perché suta la göna gh'è la prona
E per pudè seguì ogni so caprizzi ho imparàa a curvà el legn
E indrizzàl quaand che l'è stoort
Perché quaand che me prepari un mutuscàff g'ha de vèss cumè 'na spada
El g'ha de vèss cumè una foeja
E forsi sun nassüü cun questa canuttiera
Cun questu coer de acqua e de lamiera
Cun questa schena larga e questa cràpa düra
E sempru spurch de oli e segadura
E per quatà i mè barch nel tempuraal
Ho duperaa i lenzoo del lècc matrimuniaal
La vita gira finchè gira l'elica
E per quatà i mè barch nel tempuraal
Ho duperaa i lenzoo del lècc matrimuniaal
La vita gira finchè gira l'elica
Ma gira per nagòtt se te gh'eet mea là un timonn
Paula che te me ciàmet del balcòn insema a questi trii fiooe
Che me farànn diventà matt ma che impàren quèll che foo e che faroo
Paula trii fiooe trii matt... o forsi trii campiòn
L'unica roba che soo bee l'è che farann el me mestèe... questu mestè
Ghirigori sura l'acqua e la mia firma sura l'unda cun la barca che se impenna
Cun la barca che la dunda,
E poe rüverà la breva a scancélà questa mia scia
Ma el sègn de la mia storia me la porterà mai via
E rüven soe de Comm i rüven de Milànn
Gh'hann pressa e voeren tucc la barca prunta
Ghe spiegheroo a bestèmm o parlando come Scekspir
Che la barca la g'ha el cüü e la g'ha una punta
E me interessa un bel nagott se i ruven tucc a dimm che l'è la plastica
El desténn di mutuscàff
Ha faa una vita in mèzz ai tocch de lègn e in quatru tocch de lègn
Partiroo per l'oltra spunda...
Paula che te me ciàmet del balcòn insema a questi trii fiooe
Che me farànn diventà matt ma che impàren quèll che foo e che faroo
Paula trii fiooe trii matt... o forsi trii campiòn
L'unica roba che soo bee l'è che farann el me mestèe... questu mestè.
Ghirigori sura l'acqua e la mia firma sura l'unda cun la barca che se impenna
Cun la barca che la dunda,
E poe rüverà la breva a scancélà questa mia scia
Ma el sègn de la mia storia me la porterà mai via
