Fat El Mead Lyrics & Tabs by Oum Kalthoum
Fat El Mead
guitar chords lyrics
" فـــات الميعـــــاد "... By O.Yousof
الكلمات للشاعر الغنائي الكبير "مرسي جميل عزيز".
والموسيقى والألحان للموسيقار الموهوب "بليــغ حمـــدي".
إنتاج عام 1967م
- كلمات الأغنية:
فات الميعاد وبقينا بعاد
والنار النار النار بقت دخان و رماد
فــــات الميعـــــــــاد
و تفيد بإيه إيه يا ندم ؟
و تعمل إيه إيه يا عتاب ؟
طالت ليالي الألم وتفرقوا الأحباب
و كفايه بقى تعذيب وشقى
و دموع في فراق و دموع في لقى
تعتب عليا ليه أنا بإيديا إيه ؟
فات المعاد فات فات المعاد
و دموع في فراق و دموع في لقى
تعتب عليا ليه أنا بإيديا إيه ؟
فات المعاد فات فات المعاد
يـــــــــــاما
ياما كنت أتمنى أقابلك بإبتسامة
أو بنظرة حب أو كلمة ملامة
بس أنا نسيت الإبتسام زي ما نسيت الآلام
والزمن بينسي حزن وفرح يــامــــــا
إن كان على الحب القديم
إن كان على الجرح الأليم
ستاير النسيان نزلت بقالها زمان
وإن كان على الحب القديم وقســـــاه
أنا نسيته أنا ياريت كمان تنساه
وتفيد بإيه إيه يا ندم ؟
وتعمل إيه إيه يا عتاب ؟
طالت ليالي الألم وإتفرقوا الأحباب
وكفايه بقى تعذيب وشقى
ودموع في فراق ودموع في لقى
تعتب عليا ليه أنا بإيديا إيه ؟
فات الميعاد فات فات الميعاد
الليــــــــل
ودقة الساعات تصحي الليل
الليـــــــــل
وحرقة الآهات في عز الليل
وقسوة التنهيد والوحدة والتسهيد
لسه ماهومش بعــــــيد
وعايزنا نرجع زي زمان
قول للزمان إرجع يا زمان
وهاتلي قلب لا داب و لا حب
ولا إنجرح و لا شاف حرمان
وتفيد بإيه إيه يا ندم ؟
وتعمل إيه إيه يا عتاب ؟
طالت ليالي الألم وإتفرقوا الأحباب
وكفايه بقى تعذيب وشقى
ودموع في فراق ودموع في لقى
تعتب عليا ليه أنا بإيديا إيه ؟
فات الميعاد فات فات الميعاد
من ناري من طول لياليا
من ناري ناري نـــــــــــاري
و فرحة العزال فـــــــــّيَ
من ناري ناري نـــــــــــاري
من قسوتك وإنت حبيبي
و قسوة الدنيا علّيَ
بيني وبينك هجر وغدر
وجرح في قلبي داريته
بيني و بينك ليل وفراق
وطريق إنت اللي بديته
وتفيد بإيه إيه يا ندم ؟
وتعمل إيه إيه يا عتاب ؟
طالت ليالي الألم وإتفرقوا الأحباب
وكفايه بقى تعذيب وشقى
ودموع في فراق ودموع في لقى
تعتب عليا ليه أنا بإيديا إيه ؟
فات الميعاد فات فات الميعاد
