E Löl, e Blöde Siech, e Glünggi und e Sürmel, oder: Schimpfwörter si glücksach Lyrics & Tabs by Mani Matter
E Löl, e Blöde Siech, e Glünggi und e Sürmel, oder: Schimpfwörter si glücksach
guitar chords lyrics
e löu, e blöde siech, e glünggi un e sürmu
hei einisch zäme krach gha, es risegrosses gstrürm, wüu
dr glünggi het zum löu gseit, är syg e blöde siech
und dä isch sofort zum sürmu, was ja o nid jede miech
und er het ihm das verzellt und gseit
dr glünggi syg e sürmu
u dr sürmu het's em glünggi gseit
u dä macht druus es gstürm u
verzellt's em blöde siech, u wo dä drvo het ghört
het er gseit zum löu, är syg e löu, und das het dise gstört
und er hout em blöde siech eis um d'ohre, dass es blüetet
u dr glünggi louft drzue u gryft jitz ou no y u wüetet
u dr sürmu u dr glünggi u dr löu u dr blöd siech
hei di ganzi nacht lang gschleglet
bis am andere morge früech
u dr sürmu u dr glünggi u dr löu u dr blöd siech
hei di ganzi nacht lang gschleglet
bis am andere morge früech
