Der deutsche Tourist (Mei Nega) Lyrics & Tabs by Hans Söllner
Der deutsche Tourist (Mei Nega)
guitar chords lyrics
*Rülps* ... Jo des is a Bayrische Redewendung. Ghört zu unserm Wortschatz.
I hob a Liad gschriebn für mein Nega, dos Liad hoasst: "Für mein Nega" und die erste Strophe hob i für an gschriebn, der arbeitet in München im Kreisverwaltungsreferat.
Er is ollwal da Depp gwen für olle Leit,
in da Schul homs'n bloß verorscht die gonze Zeit,
koan Freind hot a ghobt, a Streber is a gwen,
und mit am Dirndl host'n gonz seltn gsehn
Er hot a Lehre ogfonga, owa de hot a net gschofft,
wenn ma's genau nimmt hot er's zu goa nix brocht.
An Hund hot a ghobt, und den hot a dressiert,
der hot genauso wie er vor sein Vodan pariert
Heit hot a an Tangaslip oh, an Joint in da Pappn,
sei Oide floggt im Schottn und strickt.
Er sauft an Magic-Mushroom-Tee zum Frühstück,
hot a sechzehnjährigs Negadirndl gfickt.
Er floggt am Strand in da Sunna, seit zwoa Wocha is a do,
Er sauft an Magic-Mushroom-Tee zum Frühstück,
hot a sechzehnjährigs Negadirndl gfickt.
Er floggt am Strand in da Sunna, seit zwoa Wocha is a do,
und jedn Tog is a zua.
Wos a daham net is, deis is a do
He, Nega, putz ma d'Schua,
mhm, he, Nega, putz ma d'Schua!
Irgendwonn hat er g'heirat und zwa Kinder gmocht,
er hots mit Liebe erzogn, er hot si's hibogn wia er's braucht,
sei Oide hot a jede Woch hoiwat daschlogn,
er hot de Nochmaulerei anfoch net vatrogn.
In die Partei is a gongan, jo do is a wer gwen,
do kau ma s'Hirn obschoitn, do braucht ma bloß guad redn.
"Hascher an d'Wond, Geißler an d'Mocht!"
hot a gschrian in seim Suff und bloß saudumm glocht.
Heit hot a an Tangaslip oh, an Joint in da Pappn,
sei Oide floggt im Schottn und strickt.
Er sauft an Magic-Mushroom-Tee zum Frühstück,
hot a sechzehnjährigs Negadirndl gfickt.
Er floggt am Strand in da Sunna, seit zwoa Wocha is a do,
und jedn Tog is a zua.
Wos a dahoam net is, deis is a do
He, Nega, putz ma d'Schua,
mhm, he, Nega, putz ma d'Schua!
Er hot si bei der Bundeswehr verpflicht für zwölf Joa,
hot gsuffa wia a Loch, owa mit seine kurzn Hoa
hot a oiwei sauba ausgschaut, seine Oidn woan stuiz,
in seim Schädl woa Scheisse, aussn rum bloß Huiz
Er hot gwusst, dass er a Depp is un des Schlimmste an der Sach,
er hot si net amol bemüht, dass a wos onnas mocht.
Und jetzt floggt a do am Strond, mocht oan auf coolen Typ,
er benimmt si wie a Sau, er is a deutscher Tourist.
Er hot a an Tangaslip oh, an Joint in da Pappn,
sei Oide floggt im Schottn und strickt.
Sauft an Magic-Mushroom-Tee zum Frühstück,
hot a sechzehnjährigs Negadirndl gfickt.
Er floggt am Strand in da Sunna, seit zwoa Wocha is a do,
und jedn Tog is a zua.
Wos a dahoam net is, deis is a do
He, Nega, putz ma d'Schua,
mhm, he, Nega, putz ma d'Schua!
"Jo owa Master", sogt da Nega, "du host jo Turnschua oh!"
"Hoits Mei und putz, sunst fongst a poa!"
