Der Rudi Lyrics & Tabs by Hans Söllner
Der Rudi
guitar chords lyrics
Du Rudi kimmt grod ausm Knast, 8 Joar isa drinna gsessen. der Dörr hotn verknackt,
für wos des hot da Rudi scho lang vergessen. Nia hätt si da rudi denkt dass irgendwann amoi
soweit kimmt, er hot bereut er hot verziehn er hot nix verrodn, er hot koan kennt.
Da Rudi kimmt grod ausm Knast jetz mecht er ois ganz anderscht macha, a Wohnung ganz
aloa, wos neis zum oziagn, bunte Sachern. An Fernseher, a Freindin, beim Abendessen sitzen,
Kerzen nebam bett und beim Sex a bissl schwitzen. Da rudi find a Arbat, da Rudi is a guader
Schreiner, er hot an eigner Haustürschlüssel und der VW do trent is seiner. Jetz wünscht er si
no Kinder, de Vergangenheit is dout, i hoff dassa sie ned deischt, Ich hoff es geht ois guad
Ehrlich mechter bleim weils ohne Ehrlichkeit ned gääht, sei Zimmer oiwei aufgramt, im
Chaos werdma bläht. Im Kühlschrank, a stückl Butter, an Schnittlauch draust vorm Haus.
Positiv Vibration ja genaaaaauuuu……….Heeeeyyyy
Gitarre
Da Rudi hot seit Jahren koane Drogen zu sich gnumma, Drogen machan blääht, und Drogen
bringan Kummer. Und vorallen woaß da rudi Drogen kostn an haufa Geid, des braucht er jetz
für sich des brauchter für sei neie Weit. So fahrt da Rudi glücklich mit seim klapprigen VW,
Da Rudi hot seit Jahren koane Drogen zu sich gnumma, Drogen machan blääht, und Drogen
bringan Kummer. Und vorallen woaß da rudi Drogen kostn an haufa Geid, des braucht er jetz
für sich des brauchter für sei neie Weit. So fahrt da Rudi glücklich mit seim klapprigen VW,
von Ebersberg nach Minga, zum shoppen mächter geehhn. An Hosensock voi Geid, solang
hod er scho drauf gschpart, und nix hod er si gleist, in de letzten 15 Johr. Schuah mechter si
kaffa und a schene neie Hosn, a bissl Spuizeig für de Kinder, und Pfirsich in der Dosn.
Da Frau an schena Lippenstift und irgenwoos, wos guad riacht. Im Hausgang a boo Lampen,
Im Hausgang brauchtma a gscheids Liacht. A schena warmer Dokter, Rudi macht si aufn
Weeg, er gfreid si auf dahoam, wo stäht denn sei VW?
Er spürt a neie kraft, er spürt es wird ois ganz langsam guuad, er dramt von seiner Zukunft,
ohne Angst und ohne Wuat. So gääht a schwar belodn, Richtung Parkhaus Glänzestraßß,
wo genau zur seiben Zeit zwoa Polizisten voller Hass, auf eanarn job, auf eanane Weiber, auf eanane Kinder auf eaner Geeid, an Hass den blos Polizisten ham, an Hass auf de ganze Weiit.
An Hass auf bunte Hosn, auf Peacezeichen und Dreaads, an Hass auf blaue Augn und weil
irgendoana, iiiiirgendwo steeht. Und do steeht jetz da rudi, und der denkt an nix schlechts,
sie gengan auf eam zua, da oane links, da andere reeechts.
Gitarre
Ausweis! schreit da erste und druckt an Rudi glei amoi and Wand, haut eam seine Haxn
ausanand, und bricht eam fast sein rechtn Arm! Da andere ziagt sei Waffe, da Rudi schreit
vor Schmerz, aber da Rudi leist koan Widerstand, da rudi mog si goned wehren. Da Rudi wird
durchsuacht und de zwoa ham eanan Spaaß, a boo minute späder liegt da Rudi mitten auf da
Straßß. A Funkspruch, a Bestätigung, da Rudi war im Knast, des is a Freibier für de zwoa,
jetz geht’s erscht richtig loos. Da Rudi muaß si ausziagn. Er schamt sie und er friert, Er reaht
weil er ned verstääht, wos do drod mit eam passiert. Er versuacht, dass er wos sogt, a Faust
landt in seim Gsicht, bluat spritzt auf sei neie Hosn und de erschte Rippen bricht!
De Polizisten schrein und schlogn. Jetz griagt da Rudi wirklich Angst. Mecht einfach blos
weg von do, er springt ausse aufd Straßß. Da Rudi fangt zum Laffer ohh, aber woas doch ganz
genau, laffer, is a Fehler, aber er mecht hoam zu seiner Fraaaauuu…!
Laffer is a Zeichen, für jäden Polizist, wer nix zum verbergn hot, der lafft einfach ned weg.
Aber da Rudi lafft sei Gsicht voi Bluat, er humpet naus aufd Straßß, a Waffe wird entsichert,
durch Grenzenlosen Hass, da Rudi heat des Gracha ned, er spürt blos an hartn Schloog,
dann schaugt er obe auf sei T-shirt, und des lafft si ganz langsam root. Er denkt an seine
Kinder, er denkt an de Pfirsich in da Dosn, er glangt no oooaamoi obe zu seiner noglneien
Hosn, Passanten huschn staad vorbei, koana hot wos gseng, neamd is gern da nächste, angst
regiern de Weit. Ministerpräsidenten, Richter, Mörder, olle voller Zorn und jäden Doog steigt
irgendwo, da Hass ind Uniform, und jäden Doog geht irgendwoo, a Rudi ausm Haus, der sei
Arbat liiabt und Pfirsich in da Dosn kafft.Und morgn bins vielleicht I, und übermorgn do iss
da Sepp, irgendoana is Oiiwei da DEPP!
Gitarre
A klatschen im Gerichtssaal, da mopp springt auf und schreit, freispruch für zwoa Mörder,
von da Polizei. De Korken fliagn, de Glasln glian, sie feiern eanan Sieg, koana denkt an Rudi,
und koana sigtn liegn, koana denkt an Freiheit, und koana denkt an Kampf, a jäder denkt an
sei Scheiß Handy, an Internet und lauta Krampft, koana denkt an Liebe, an Gerechtigkeit und
Mut, blos i denk an a T-shirt und des farbt si ganz langsam rooot. Da Rudi is vergessen auf
seim Grob verweikern ‚d’ Rosn, i bsuachn ob und zua mit a Dosn Pfirsich in da Dosn.
De iss i dann bei eam und i denk kurz an sei Fraaauuuu, tschatschaschauhi tschatschaschau
Ja de iss i dann bei eam und i denk kurz an sei Fraaauuuu, tschatschaschauhi tschatschaschau.
Eeeehhhhh…
de iss i dann bei eam und i denk kurz an mei Fraaauuuu, tschatschaschauhi tschatschaschau.
