Da Gloa Lyrics & Tabs by BBou
Da Gloa
guitar chords lyrics
In am Kaff wo auf de Wiesn im Somma a scheene Foab is
wohnt a gloana Bou der immer und überoll seine Ohrn spitzt
vielleicht grod weil er no grey hinter de zwoa is
und manchmal ned recht woas wo hint und wo voan is
an Strawanzer oder Lumpers kann man nenna
nie dahoam dafia abel am umanandarenna
wo a aa imma is gibt a si freindlich, agrod so weys basst
er woas halt wia des so lafft
(wou?) in so am gloana Kaff
Schee ind Kiacha gey am Donnerschdog und am Sonndog
soid a eigentlich, aber er macht hoid liaba sunst wos
grod wenn a wos mou hoda no wenga Bock aaf des
des Leben hinterm Grinsen wird nix längerfristiges
fia eana Doaftraatschen hod koa Menschenkenntnis
weil er doud bloß nett, aber koane vo dene erkennt des
des Leben hinterm Grinsen wird nix längerfristiges
fia eana Doaftraatschen hod koa Menschenkenntnis
weil er doud bloß nett, aber koane vo dene erkennt des
doch eam is wuascht, weil er doud ja koam wos beys
de Leid san ja scho z'frin wenn mas immer schee nett greyst (grüßgott)
aber dann heans a so a Musi aus seim Kölla
(Naa, naa, a Musi is des ned, des klingt ja eher wia a Fölla
ge kumm des vazoima glei im ganzn Doaf umanada
ja dem wea ma scho hoifa)
De Leid redn, aber wann machan ses niad?
Wann machan de Leid amal niad wos eana vorgsogt wiad?
Scheiß da nix, na feid da nix!
Des san de sieben Wörter de sein jetz beginnenden Selbstfindungsprozess ganz guad erörtern
Wos is aus dem Boum vo dem oana Doaf woan?
Der woa doch so schee brav wey ea no gloa woa.
Weys hold so bassiad hoda si über de Joahr vaändert
Bloß dass vey so wos wey a Veränderung ned kenna
Sie nicken immer brav, leben ihr Leben lang im gleichen Trott
weil mas wenn ma imma Ja und Amen sogt ja leicher hod
De pflegen ihr Image, er pflegt goa nix
weil dafia sei Motivation zu gloa is
und schreibt efdas a Zeich, eigentlich bloß an Scheiß
aber lustigerweis feiern des dann no genau seychane Leid
Doch durch des wos eam olles durch sei Leben wiederfoan is
red a mid de meisten anstatt irgendwos liaba goa nix
fast koana den er kennt hod wiaglich a Persönlichkeit
außer dass er dumm is und desweng immer fröhlich bleibt
Aus de guadn und de schlechten Sachen in seim Leem hoda gleant wey scheinbar wenig Menschen machen
Er is sche langsam aber sicher Schritt fia Schritt vorankumma
ganz im Gegensatz zu de andan de wos bloß daham lunga
Wenn seychane dann vor eam stenga und a Gschmaaz ofanga
dann merkt a glei des hoda scho moi ghabt
des wos de eam vazeyn hams aa scho damals zu eam gsagt
er kennt a jedes Komma und an Punkt in jedem Satz
De ham si selber no ned gfunna und wissn aa ned wer s san
So Personen find a eher uninterresant
Es is a langa Weg den er hinter sich hod
weys damit weider geyt, ha, des entwickelt si scho
Wos is aus dem Boum vo dem oana Doaf woan?
Der woa doch so schee brav wey ea no gloa woa.
Wos is aus dem Boum vo dem oana Doaf woan?
Der woa doch so schee brav wey ea no gloa woa.
