D'Rosemarie und i Lyrics & Tabs by Rumpelstilz
D'Rosemarie und i
guitar chords lyrics
Es het grägnet i dä Bärge u mir hei ändlech chönne ga,
es paar Fränkli u nä Schlafsack isch aus wo mir hei gha.
Mir si eifach furt daheim mit Gitarre u Tamburin,
scho gli simer ds Paris gsi, im Neonliechterschin,
Zwe Nächt heimer düregmacht, hei gfeschtet u glacht,
Eiffelturm zum Zmorge, Quartier Latin ir Nacht.
Später im ne Bistro im Gwühl vom Stadtverkehr,
seit sie plötzläch zu mer chum mir stöpplä doch ads Meer,
Rosmarie und i.
Ä Laschtwage het üs mitgno u isch ohni Zwüschehaut,
bis zu de Fischernetz im Süde, wo d Sunnä fürig strauht.
Hie simer verwilet; bir Liebi u bim Wii,
hei der Tag vertreumt u gmeint, es wärd immer so si.
O mir hei pfuset u gschmuset stundelang am Strand,
si zäme blut ids Wasser grennt, hei Muschle gsuecht im Sand.
hei der Tag vertreumt u gmeint, es wärd immer so si.
O mir hei pfuset u gschmuset stundelang am Strand,
si zäme blut ids Wasser grennt, hei Muschle gsuecht im Sand.
Nächär simer bis Spanie, ä heissä Summer lang,
es Lied uf dä Lippä unes Härz vou Tatedrang.
Rosmarie und i.
Irgendwo zwüsche Barcelona u dä Feusä vo Gibraltar,
ha mer spanischi Schtifu kouft, es wunderhübsches Paar.
I bi mitne gwanderet, dür Sunne u dür Iis,
Si hei immer zäme gha, i gäbse um ke Priis.
Rosmarie u i mir si zrügg cho i üses brave Land,
aber scho gli si üsi Wäge usenand.
I ha se sithär nieme gseh, i dänke chum me dra,
aber mängisch faut mer wider i, was i längscht vergässe ha.
Rosmarie und i
Rosmarie und i
