Bhudda am Hals Lyrics & Tabs by Polo Hofer und die Schmetterband
Bhudda am Hals
guitar chords lyrics
Es tuet än Asphaltcowboy singe
Vomene tote Wolf in Moll,
Zieht nöii Saite uf wo klinge.
Het offesichtlech d'Nase voll.
Auto wie troyanischi Rösser
Es Lache vomene blinde Schaf
Sandburge u Luftschlösser
Papiertiger ohni Schlaf.
Die Herre Grossbetrüeger,
Wo überall d'Finger dinne hei,
Die alte chalte Chrieger,
Sie rede um e heisse Brei.
U d'Aeschebächer hei e Krise
Sie sy erstickt im Styropor,
U gly chunnt e Bise
U d'Aeschebächer hei e Krise
Sie sy erstickt im Styropor,
U gly chunnt e Bise
Und es chunnt mir alls vergänglich vor.
Aber sie isch gäng no glych
Usse schön und inne schüüch
Bi ihre stimmt no alls
Sie treit e Buddha am Hals.
Müedi Ängel u armi Tüüfel
Zwüsche dr Bibel und em Dräck.
Falschi Prophete voller Zwyfel
Schtryte über Sinn und Zwäck.
"Alles wo Dir Angscht cha mache,
Das wartet no uf Di!"
Seit sie mit eme Lache
Wo mir zäme gsy sy.
Ja, sie isch gäng no glych
Irgendwie schtarch, irgendwie rych
Ja, sie het alls
Sie treit e Buddha am Hals.
Es isch wie n'es Wunder,
Wie n'e Schwalbe im Beton.
Sie weiss, all dä irdisch Plunder
isch nume en Illusion –
Sie isch gäng no glych
Usse schön und inne rych
Ja, da stimmt no alls
Sie treit e Buddha am Hals
Sie treit e Buddha am Hals
E Silberbuddha am Hals.
Sie isch gäng no glych
Irgendwie schtarch, irgendwie schüüch
Bi ihre stimmt no alls
Sie treit e Buddha am Hals.
Sie isch wie immer glych
Usse schön und inne rych
Ja sie hett no alls
Sie treit e Buddha am Hals
E Silberbuddha isch alls
Wo sie treit am Hals
Ja, es stimmt no alls
Mit dem Buddha am Hals.
