Baş Rolda Özüm Lyrics & Tabs by Qaraqan
Baş Rolda Özüm
guitar chords lyrics
Onlar oturur kafedə, mən küçədəyəm
Onlara gəlir isti yeməklər, mən şaxtadayam
Onlar gəzirlər Jeep'də, mən taksidəyəm
Onlar dəniz kənarı parkda, mən arxadayam
O onu dəvət eləyir rəqsə, mən hirslənirəm
Onlar çevriləndə mənə tərəf gizlənirəm
O ona alır güllər, göndərir hədiyələr
O onu sevir, amma mən də onu sevirəm
Onlar gəzirlər küçədə, mən kafedəyəm
Onlar hiss edəndə kimsə güdür, mən gizlənirəm
Onlar gəzir dükanları, dənəyir paltarları
O paltar istəyir, mən onu paltarsız istəyirəm
Onun sevgilisi pullu, mənim şansım yoxdu
Onun ətrafında mənim kimi oğlanlar çoxdu
Mənim ürəyimə girən yeganə qızdı
Onun sevgilisi pullu, mənim şansım yoxdu
Onun ətrafında mənim kimi oğlanlar çoxdu
Mənim ürəyimə girən yeganə qızdı
Ona yaxın olmaq üçün oluram sevgilisinin dostu
Onlar keçirir ad günü, mən birinci qonağam
Onlar qızdırır əllərini mən yandıran ocağda
Onlar seçirlər mənzil, mən məsləhətçi
Onlar haranı gəzir, mən onlara oluram bələdçi
O onu öpür, mən üzümü çevirirəm
Onların xoşbəxt anlarına dözə bilmirəm
Oğlan mənə danışır gecə baş verənləri
Yatağı, qızı, toxunuşları, səsləri
O mənə etibar eləyir, mən eləyirəm nifrət
Onların toy günündə mən çəkirəm həsrət
Onların toy gecəsi, şəkillər, bal ayı
Bir il sonra uşaqlarının ilk sözü olur "dayı"
Onlar oturur kafedə, mən kafedəyəm
Onlar uçursa xaricə, mən də xaricdəyəm
Onlar açırsa şirkət, mən oluram şərik
Bu sevgi üçbucağı, bu qanlı mühərrik
Onlar sevişir yataqda, mən qonşu otaqda
Onlar qəhrəmanlar, mən epizodik rol, qıraqda
Onlar yaşayır öz həyatını, mən onların həyatını
Mənim adım Qaraqan, yox, mənim yox adım...
O işlə bağlı uçur xaricə, mən evdəyəm
Mən onun ən yaxın dostu, mən arxa dirəyəm
Tək qoya bilmir həyat yoldaşını, körpəsini
Mən oluram başçısı onun ailəsinin
O işləyir xaricdə, biz şəhərdəyik
O biznes danışıqlarında, biz kafedəyik
O yorğun oteldə, biz artıq evdəyik
Yedizdirdik, uzatdıq yatmağa körpəni
O artıq yuxuda, mən onun sevgilisiylə
Özümü saxlayıram güclə, əsəb ülgücdü
Daxil olur duşa, deyir biraz tərləyib
Ehtiras təmiz ruhumu tamam zəhərləyib
Əri xaricdə pul qazanır, mən onun dostu
Məni çağırır hamama, deyir su çox isti
Mən yumub gözlərimi istəyirəm tənzimləyim
Növbəti saniyə o çılpaq üstümdə mənim
Davamlı öpüşlər, ehtiras, etiraf
O çılpaq, mən geyimdə
O çılpaq, mən çılpaq
Dağılmış su, sınıq aynanın çiliyləri
Nalələr, ahlar, o biri otaqdan uşaq səsi
Gözümün qarşısında fraqmentlər, xatirələr
Elə ah çəkir ki, heç belə ah çəkmir fahişələr
Üç il əzab çək sevgiyə görə, üç il gizlət
Bu zibilçə isə bir gündə etdi xəyanət
Onun üçün fərqi yoxdu, bu mənəm, ya başqa biri
Mən onu itələyirəm, o buraxmır, buraxmır məni
O tökdü ləkələr, mənim təmiz hisslərimə
Dodağları iyrənc, nifrət eləyirəm əllərinə
Mən heç vaxt istəməzdim bu cür düşsün gözümdən
Bacarmıram, itələyirəm, onu vururam dizimlə
Ona etiraf eləyirəm bu üç illik sevgimi
Amma başa salıram ki, bu etdikləri xəyanətdi
Və qapı açılır dostum əlində silah
Zorlanmış həyat yoldaşı və dost - alçaq
Növbəti kadr, məncə ehtiyac yoxdu şərhə
Artıq hamı bilir, kimə dəyir güllə
