ناس بترقص و ناس بتموت Nas Betoros We Nas Betmoot Lyrics & Tabs by Cairokee
ناس بترقص و ناس بتموت Nas Betoros We Nas Betmoot
guitar chords lyrics
الحقيقة واضحة وضوح الشمس
لكن ممنوع الاقتراب او اللمس
كلمة الحق فى زمننا انتحار
لو قلتها تبقى ماشى عكس المسار
عندى بدل الامارة الف امارة
مالكوم اكس وغاندى وشى جيفارا
ماتوا بالرصاص علشان حسوا بالناس
قال ايه كانوا عايزين العدل يكون اساس
جربت قول حرية او عدالة اجتماعية
جربت قول مساواة او كرامة انسانية
جربت قول حقوق انسان او تعارض النظام
اوعى تفكر تفكيرك خط احمر
آخرك هتقدر تاخد عيش
علشان يسكتوك مش علشان تعيش
ولو صممت تمشى عكس الناس
آخرك هتقدر تاخد عيش
علشان يسكتوك مش علشان تعيش
ولو صممت تمشى عكس الناس
الاجابة هتكون بالرصاص
ناس بترقص وناس بتموت
واعلى صوت فى الحفلة صوت السكوت
ناس بترقص وناس بتموت
واعلى صوت فى الحفلة صوت السكوت
الجهل وحش ومن صناعة الانظمة
سلاح بينفع فى كل الازمنة
ادى الناس سمكة هياكلوا يوم
علم الناس الصيد هياكلوا كل يوم
العلم نور والنور علينا مش بيعدى
عايشين فى ضلمة والضلمة ياما بتخبى
قتل حبس دم فساد وظلم
اغتصاب لأى حلم عايشين فى سجن
ومع الوقت كل حاجة بتعدى
أكل العيش صعب بيخلى العقل يصدى
والخوف ساكن قلوب الناس
وبيقتل جواهم الاحساس
يا اهالينا المستقبل لينا
متبقوش انتوا والزمن علينا
جيلكم ساكت ولا عمره اتكلم
دلوقتى جاى ينظر ويعلم
آن الآوان الراية تتسلم
ناس بترقص وناس بتموت
واعلى صوت فى الحفلة صوت السكوت
ناس بترقص وناس بتموت
واعلى صوت فى الحفلة صوت السكوت
