مات الكلام Mat El Kalam Lyrics & Tabs by Cairokee
مات الكلام Mat El Kalam
guitar chords lyrics
الشتا اللى فات ابتدا السباق
وسط الديابة جعانة والكلاب
طريق اجبارى والرجوع ممنوع
ومفيش مكان للذل أو الخضوع
بعت القضية وهقول حرية
صوتى صوت الحق يعنى الأغلبية
أحسنلى إنى أموت ولا إنى أعيش معاكم
أحسنلى أقطع رجلى قبل ما تمشى على هواكوا
طز ف كلامكم . طز ف أيامكم
أنا الكابوس اللى جه ف وسط أحلامكم
أنا الحقيقة اللى ميعرفهاش أمثالكم
أيوة أنا
مات الكلام وانتهى
ذوق عافية الحلم ابتدا
مات الكلام وانتهى
مات الكلام وانتهى
ذوق عافية الحلم ابتدا
مات الكلام وانتهى
ذوق عافية الحلم ابتدا
دايقين المر من زمان
مفيش حقوق ولا فى إنسان
صنعتوا الجهل وغيركوا بيستغله
مفهمتوش الدرس ولسة بتستمروا
عيشتونا حياة مش آدمية
وسط عقولكوا القديمة المصدية
والإعلام ف الزيطة سرحان
تطبيل ليل ونهار شغال
إحنا التجارة وأنتوا الشطارة
شوف الفاصل هتفهم العبارة
إحنا البداية وأنتوا النهاية
ويمين شمال هنكمل الحكاية
مات الكلام وانتهى
ذوق عافية الحلم ابتدا
مات الكلام وانتهى
ذوق عافية الحلم ابتدا
عيون خبيثة . عيون لئيمة
بيقسمونا زى الغنيمة
كدب كتير . تبرير
غيروا المنطق والتفسير
كل واحد لابس وش
بيتاجر بينا وبيغش
شعب بحاله بيعانى
مش لاقى كلام يوصف بيه ولا معانى
أنا بلدى مكانها مش هنا
يا ترجع تانى يا إما أموت أنا
مات الكلام وانتهى
ذوق عافية الحلم ابتدا
مات الكلام وانتهى
ذوق عافية الحلم ابتدا
