أحنا الشباب Ehna El Shaab Lyrics & Tabs by Cairokee
أحنا الشباب Ehna El Shaab
guitar chords lyrics
من كل جهات المدن الخرسا
الوف شبان
زاحفين يسألوا عن موت الفجر
استنوا الفجر ورا الفجر
ان القتل يكف
ان القبضه تخف
ولذلك خرجوا يطالبوا
بالقبض على القبضه
وتقديم الكف
الدم
قلب الميدان وعدل
وكأنه دن نحاس مصهور
انا عندى فكرة عن المدن اللى
يكرهها النور
والقبر اللى يبات مش مسرور
انا عندى فكرة عن المدن اللى
يكرهها النور
والقبر اللى يبات مش مسرور
وعندى فكرة عن العار
وميلاد النار
والسجن فى قلبى مش على رسمة سور
قلت له لأ يا بيه
انا اسف
بلدى بربيع وصباح
ولسه فى قلبى هديل الينابيع
لسه فى صوتى صهيل المصباح
لسه العالم حيى رايح جى
بيفرق بين الدكنه وبين الضى
بلدى مهما تتضيع مش حتضيع
ما ضايع الا ميدان وسيع
احنا الشعب
بتوع الاجمل وطريقه الصعب
احنا الشعب
بتوع الضرب ببوز الجزمه وبسن الكعب x3
ولا باعرف ابكى صحابى غير فى الليل
انا اللى واخد على القمر
ومكلمه اطنان من الشهور
واللى قتلنى. ما ظهر له دليل
وفى ليله التشييع
كان القمر غافل .مجـــاش
والنجم كان حافل
لا بطل الرقصه ولا الارتعاش
لما بلغنى الخبر
اتزحم الباب
واتخطفوني الاحباب
ده يغسل .ده يكفن .ده يعجن كف تراب
وانا كنت موصى لا تحملنى الا كتوف اخوان
اكلوا على خوان
وما بينهمش خيانه ولا خوان
والا نعشى ما ينفدش من الباب
ما اجمل نومه على كتوف اصحابك
تعرف صادقك من كدابك
تبحث عن صاحب اهبل وش
فى الزمن الغش
احنا الشعب
بتوع الاجمل وطريقه الصعب
احنا الشعب
بتوع الضرب ببوز الجزمه وبسن الكعب
"عبد الرحمن الابنودي"
بصيت واحسب نفسى بين خلان
تعالوا شوفوا الدنيا من مكانى
حاشتنا اغراض الحياه عن النظر
بالرغم من نبل الالم والانتظار
اتعلمنا حاجات اقلها الحذر
ونمنا سنوات مدهشه
نحلب ليالى حلمنا المنتظر
وامتلات الاسواق بالمواكب
تبيع صديد الوهم والمراكب
وفارشه بالوطن على الرصيف
بالفكر والجياع والعناكب ومذله الرغيف
انتم التوقيف واحنا السيل
انتم لصوص القوت
واحنا بنبنى بيوت
احنا الصوت ساعه ما تحبوا الدنيا سكوت
ايو الصوت ساعه ما تحبوا الدنيا سكوت
احنا شعبين .شعبين .شعبين
شوف الاول فين ؟؟
والتانى فين ؟؟
وآدى الخط ما بين الاتنين بيفوت
انتم بعتم الارض بفاسها .بناسها
فى ميدان الدنيا
بانت وش وضهر
بطن وصدر
والريحه سبقت طلعت انفاسها
احنا الشعب
بتوع الاجمل وطريقه الصعب
احنا الشعب
بتوع الضرب ببوز الجزمه وبسن الكعب
"عبد الرحمن الابنودي"
اذا كنت لوحدى دلوقت
بكره مع الوقت
حتزور الزنزانه دى اجيال
واكيد فيه جيل
اوصافه غير نفس الاوصاف
ان شاف يوعى
وان وعى ما يخاف
انتم الخونه لو خني ظنى
خد مفاتيح سجنك واترك لى وطنى
وطنى غير وطنك
ومشى
قلت لنفسى
ما خدمك الا من سجنك
